കുട്ടികുറ്റവാളിയെ മോചിപ്പിക്കരുതെന്ന് ആവശ്യപ്പെട്ട് ഡല്ഹി വനിത കമ്മീഷന് നല്കിയ ഹര്ജി സുപ്രീം കോടതി തള്ളി
ഡല്ഹി പീഡനക്കേസിലെ പ്രായപൂര്ത്തിയാകാത്ത പ്രതിയെ ജുവനൈല് ഹോമില് നിന്നും മോചിപ്പിക്കരുതെന്ന് ആവശ്യപ്പെട്ട് ഡല്ഹി വനിത കമ്മീഷന് സമര്പ്പിച്ച ഹര്ജി സുപ്രീം കോടതി തള്ളി. ജസ്റ്റീസുമാരായ എ.കെ ഗോയല്, യു.യു. ലളിത് എന്നിവരടങ്ങിയ അവധിക്കാല ബെഞ്ചാണ് ഹര്ജി തള്ളിയത്.
നിയമത്തിന്റെ പരിധി ലംഘിക്കാന് കഴിയില്ലെന്നും ബാലനീതി വകുപ്പുകള് അനുസരിച്ചുള്ള ശിക്ഷയെ നിലവില് നല്കാന് കഴിയൂ എന്നും കോടതി നിരീക്ഷിച്ചു. ശിക്ഷാ കാലാവധി കഴിഞ്ഞും പ്രതിയെ തടവില് വച്ചാല് പൗരന്റെ അവകാശങ്ങള്ക്ക് മേലുള്ള കടന്നുകയറ്റമാകും.
ജുവനൈല് ജസ്റ്റിസ് ആക്ട് 15, 16 പ്രകാരം കുറ്റവാളിയുടെ മാനസികനില മാറിയോ എന്ന് പരിശോധിക്കേണ്ടതുണ്ടെന്നും ഇതു നടന്നിട്ടില്ലെന്നും വനിത കമ്മീഷനു വേണ്ടി ഹാജരായ മുതിര്ന്ന അഭിഭാഷകന് ഗുരു കൃഷ്ണകുമാര് വാദിച്ചെങ്കിലും കോടതി അംഗീകരിക്കാന് തയ്യാറായില്ല. പ്രതിയെ വിട്ടയക്കുന്നതിനെതിരേ വലിയ ഭീഷണികള് ഉണ്ടെന്ന് ഇന്റലിജന്സ് റിപ്പോര്ട്ടും അംഗീകരിക്കാന് കോടതി തയ്യാറായില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
