വിവാദമായ ബാലനീതി നിയമഭേദഗതി ബില്‍ കേന്ദ്ര വനിതാ ശിശുക്ഷേമ മന്ത്രി മേനക ഗാന്ധി രാജ്യസഭയില്‍ അവതരിപ്പിച്ചു. 16 വയസുള്ളയാള്‍ ജയിലില്‍ കിടക്കണമെന്നല്ല ബില്ല് കൊണ്ട് ഉദ്ദേശിക്കുന്നതെന്ന് മേനക ഗാന്ധി പറഞ്ഞു. കോണ്‍ഗ്രസ്, ജനതാദള്‍ യു, എന്‍.സി.പി എന്നീ പാര്‍ട്ടികള്‍ ബില്ലിനെ എതിര്‍ത്തു. ബില്ല് സെലക്ട് കമ്മറ്റി പരിഗണനക്ക് വിടണമെന്നും അവര്‍ വാദിച്ചു. കുട്ടിക്കുറ്റവാളികള്‍ക്കായി പ്രത്യേക സജ്ജീകരണങ്ങള്‍ ഒരുക്കണമെന്ന് പ്രതിപക്ഷ നേതാവ് ഗുലാം നബി ആസാദ് സഭയില്‍ പറഞ്ഞു. ജയിലുകളില്‍ അവര്‍ക്ക് വേണ്ടി പ്രത്യേകക്രമീകരണങ്ങള്‍ ഏര്‍പെടുത്തണമെന്നും പരിശീലനവും വിദ്യാഭ്യാസവും നല്‍കണമെന്നും അദ്ദേഹം കൂട്ടിച്ചേര്‍ത്തു. ബില്ലിന്‍മേലുള്ള ചര്‍ച്ചകള്‍ രാജ്യസഭയില്‍ പുരോഗമിക്കുകയാണ്.
ജ്യോതി സിങ്ങിന്റെ മാതാപിതാക്കളായ ആശാദേവിയും ബദ്രി സിങ്ങും ബില്‍ അവതരണം കാണുന്നതിനായി രാജ്യസഭയിലെ ഗാലറിയിലെത്തിയിരുന്നു. ലോക്‌സഭ നേരത്തെ പാസാക്കിയ ഈ ബില്ലിലെ പല വ്യവസ്ഥകളോടും പല പാര്‍ട്ടികളും എതിര്‍പ്പുപ്രകടിപ്പിച്ചിട്ടുണ്ട്. അതേസമയം, കുട്ടിക്കുറ്റവാളിയുടെ മോചനത്തിനെതിരെ ഡല്‍ഹിയില്‍ പ്രതിഷേധം തുടരുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha