ചിത്രകാരി ഹേമ ഉപാധ്യായയുടെ കൊലപാതകക്കേസില്‍ ഭര്‍ത്താവ് അറസ്റ്റില്‍. ചിത്രകാരനായ ചിന്തന്‍ ഉപാധ്യായയാണ് അറസ്റ്റിലായത്. കൊലപാതകത്തില്‍ ചിന്തനെ നേരത്തേ സംശയമുണ്ടായിരുന്നെങ്കിലും ഇയാള്‍ക്കെതിരെ തെളിവുകളൊന്നും ലഭിച്ചിരുന്നില്ല. എന്നാല്‍ ചോദ്യം ചെയ്യലില്‍ ചിന്തന്റെ മൊഴികളിലെ വൈരുധ്യമാണ് അറസ്റ്റിലേക്ക് എത്തിച്ചിരിക്കുന്നത് എന്നാണ് റിപ്പോര്‍ട്ട്.

ചിന്തനും ഹേമയും തമ്മിലുള്ള വിവാഹബന്ധം വേര്‍പെടുത്താനുള്ള ഹര്‍ജി കോടതിയുടെ പരിഗണനയിലിരിക്കേയാണ് ഹേമ ഉപാധ്യായയും ഹേമയുടെ അഭിഭാഷകന്‍ ഹരീഷ് ബംബാനിയും കൊലചെയ്യപ്പെട്ടത്. ഡിസംബര്‍ 11നാണ് സംഭവം നടന്നത്. രണ്ടു ദിവസത്തിനു ശേഷം അഴുക്കുചാലില്‍ നിന്നാണ് ഇവരുടെ മൃതദേഹങ്ങള്‍ കണ്ടെത്തിയത്.

ഗുജറാത്ത് ലളിതകലാ അക്കാദമിയുടേയും കേന്ദ്ര ലളിതകലാ അക്കാദമിയുടേതുമടക്കം നിരവധി പുരസ്‌കാരങ്ങള്‍ നേടിയിട്ടുള്ള ചിത്രകാരിയാണ് ഹേമ ഉപാധ്യായ. റോമിലെ മാക്രോ മ്യൂസിയത്തില്‍ അടക്കം നിരവധി രാജ്യാന്തര എക്‌സിബിഷനുകളില്‍ അവരുടെ ചിത്രങ്ങള്‍ പ്രദര്‍ശിപ്പിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha