ജമ്മു കശ്മീരില് ഹിമപാത മുന്നറിയിപ്പ് നല്കി ദുരന്തര നിവാരണ അതോറിറ്റി...
ജമ്മു കശ്മീരില് ഹിമപാത മുന്നറിയിപ്പ് നല്കി ദുരന്തര നിവാരണ അതോറിറ്റി. ബന്ദിപ്പോര്, ബാരാമുള്ള, കുപ്വാര എന്നിവിടങ്ങളില് അപകട സാധ്യത കുറഞ്ഞ ഹിമപാതത്തിന് സാധ്യതയേറെയുണ്ട്.
അടുത്ത 24 മണിക്കൂറിനുള്ളില് ഡോഡ, കിഷ്ത്വാര്, പൂഞ്ച്, റംബാന്, ഗന്ദര്ബാല് ജില്ലകളില് ചെറിയ തോതിലുള്ള ഹിമപാതത്തിനും സാധ്യതയുണ്ടെന്ന് ദുരന്തര നിവാരണ അതോറിറ്റി . പ്രദേശവാസികള് ജാഗ്രത പാലിക്കണം. ജാഗ്രത മുന്കരുതലുകളെടുക്കാനും അധികൃതരുടെ നിര്ദ്ദേശങ്ങള് പിന്തുടരാനും ജനങ്ങളോട് നിര്ദ്ദേശിച്ചിട്ടുണ്ട്.
അതേസമയം, ജമ്മു കശ്മീരിലെ പല സ്ഥലങ്ങളിലും മഞ്ഞുവീഴ്ച തുടരുകയാണ്. ഇന്ന് കശ്മീരിലെ താപനില 9 ഡിഗ്രി സെല്ഷ്യസായി കുറഞ്ഞിരുന്നു. കശ്മീര് താഴ്വരയിലെ പല സ്ഥലങ്ങളും മഞ്ഞില് മൂടിയിരിക്കുകയാണ്. ബാരാമുള്ള, ഗുല്മാര്ഗ് പ്രദേശങ്ങള് ഇതിനോടകം മഞ്ഞില് മൂടിക്കഴിഞ്ഞു. കശ്മീരിലെ ശക്തമായ മഞ്ഞുവീഴ്ച ഗതാഗതത്തെയും സാരമായി ബാധിച്ചിട്ടുണ്ട്.
നിലവില് കശ്മീരിലെ നിരവധി റോഡുകള് അടച്ചിരിക്കുകയാണ്. മഞ്ഞുവീഴ്ച തുടരുന്നതിനാല് കശ്മീരിലേക്കുള്ള നിരവധി വിമാനങ്ങളും റദ്ദാക്കി.
പ്രതികൂല കാലാവസ്ഥയെത്തുടര്ന്ന് മാതാ വൈഷ്ണോ ദേവി ക്ഷേത്രത്തിലേക്കുള്ള ഹെലികോപ്റ്റര് സര്വീസും നിര്ത്തി വച്ചിരിക്കുകയാണ്.
https://www.facebook.com/Malayalivartha
