കേരളത്തെ കേന്ദ്രം സാമ്പത്തികമായി അവഗണിക്കുന്നെന്നാരോപിച്ച് മുഖ്യമന്ത്രി പിണറായി വിജയന്റെ നേതൃത്വത്തില് മന്ത്രിമാരും ഇടത് എം.പി.മാരും എം.എല്.എ.മാരും നടത്തുന്ന ധര്ണ വ്യാഴാഴ്ച ജന്തര്മന്തറില് നടക്കും... സമരത്തില് പങ്കെടുക്കാന് മുഖ്യമന്ത്രി പിണറായി വിജയന് ഇന്നലെ രാത്രി ഡല്ഹിയിലെത്തി
കേരളത്തെ കേന്ദ്രം സാമ്പത്തികമായി അവഗണിക്കുന്നെന്നാരോപിച്ച് മുഖ്യമന്ത്രി പിണറായി വിജയന്റെ നേതൃത്വത്തില് മന്ത്രിമാരും ഇടത് എം.പി.മാരും എം.എല്.എ.മാരും നടത്തുന്ന ധര്ണ വ്യാഴാഴ്ച ജന്തര്മന്തറില് നടക്കും. സമരത്തില് പങ്കെടുക്കാനായി മുഖ്യമന്ത്രി പിണറായി വിജയന് ഇന്നലെ രാത്രി ഡല്ഹിയിലെത്തി.
മന്ത്രിമാരായ ജി.ആര്. അനില്, റോഷി അഗസ്റ്റിന്, ജെ. ചിഞ്ചുറാണി, ഏതാനും എം.എല്.എ.മാര് തുടങ്ങിയവരും ഡല്ഹി കേരളഹൗസിലെത്തിയിട്ടുണ്ട്. മറ്റ് മന്ത്രിമാരും എം.എല്.എ.മാരും ബുധനാഴ്ചയെത്തും. രാവിലെ 11 മുതല് ഉച്ചയ്ക്ക് ഒരു മണിവരെയാണ് സമരം.
മറ്റു പാര്ട്ടികളുടെ ദേശീയനേതാക്കളും എന്.ഡി.എ.ഇതര മുഖ്യമന്ത്രിമാരും ഐക്യദാര്ഢ്യമര്പ്പിച്ച് സമരത്തില് പങ്കെടുക്കുമെന്ന് എല്.ഡി.എഫ്. കണ്വീനര് ഇ.പി. ജയരാജന്, എം.പി.മാരായ എളമരം കരിം, ബിനോയ് വിശ്വം, ജോസ് കെ. മാണി എന്നിവര് പത്രസമ്മേളനത്തില് അറിയിച്ചു.
ഡി.എം.കെ., ആര്.ജെ.ഡി., ആം ആദ്മി പാര്ട്ടി, എന്.സി.പി., നാഷണല് കോണ്ഫറന്സ്, ഝാര്ഖണ്ഡ് മുക്തി മോര്ച്ച തുടങ്ങിയ കക്ഷികളുടെ നേതാക്കള് പങ്കെടുക്കുമെന്നാണ് പ്രതീക്ഷയുള്ളത്. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ അടക്കമുള്ള പ്രമുഖ നേതാക്കള്ക്കെല്ലാം മുഖ്യമന്ത്രി നേരിട്ട് ക്ഷണക്കത്തയച്ചിട്ടുണ്ടെന്നും നേതാക്കള് വ്യക്തമാക്കി.
ഫെഡറല് തത്ത്വങ്ങള് പൂര്ണമായും ലംഘിച്ച് കേരളത്തിനെതിരേ കേന്ദ്രം സാമ്പത്തിക ഉപരോധം ഏര്പ്പെടുത്തിയിരിക്കുകയാണെന്ന് നേതാക്കള് കുറ്റപ്പെടുത്തി. 15ാം ധനകാര്യ കമ്മിഷന് സംസ്ഥാനത്തിന്റെ വിഹിതം നിശ്ചയിച്ചപ്പോള് തന്നെ വലിയനഷ്ടമാണ് കേരളത്തിനുണ്ടായത്. അതിന് പുറമേയാണ് കമ്മിഷന്റെ അംഗീകരിക്കപ്പെട്ട ശുപാര്ശകളെ മറികടന്ന് കേന്ദ്രസര്ക്കാര് കേരളത്തിന്റെ വായ്പപ്പരിധി 2021'22 മുതല് മുന്കാല പ്രാബല്യത്തോടെ വെട്ടിക്കുറച്ചത്.
കേരളത്തിന്റെ പൊതുവായ പ്രശ്നത്തിന് പരിഹാരം തേടിയുള്ള സമരത്തിന് സംസ്ഥാനത്തെ പ്രതിപക്ഷത്തെ ക്ഷണിച്ചെങ്കിലും സഹകരിക്കാന് അവര് തയ്യാറായില്ല. എന്നാല്, കേരളം സമരത്തിന് തീരുമാനിച്ചതിനു പിന്നാലെ കര്ണാടകയിലെ കോണ്ഗ്രസ് സര്ക്കാരും സമരത്തിന് തീരുമാനിച്ചത് കേരളത്തിന്റെ നിലപാട് പ്രസക്തമാണെന്ന് വ്യക്തമാക്കുന്നതായി എല്.ഡി.എഫ്. നേതാക്കള്
അതേസമയം കേരളത്തിന്റെ സമരത്തിന് ഐക്യദാര്ഢ്യമറിയിച്ച് തമിഴ്നാട് മുഖ്യമന്ത്രി സ്റ്റാലിന് കേരള മുഖ്യമന്ത്രിക്ക് കത്തയച്ചതായി നേതാക്കള് വെളിപ്പെടുത്തി. ഡി.എം.കെ.യുടെ പ്രതിനിധികള് സമരത്തില് അണിചേരുന്നതായിരിക്കും.
"
https://www.facebook.com/Malayalivartha
