നിയമസഭയില് നിന്ന് അയോഗ്യരാക്കപ്പെട്ട ആറ് മുന് കോണ്ഗ്രസ് നേതാക്കളെ സ്ഥാനാര്ത്ഥികളാക്കി പ്രഖ്യാപിച്ച് ബിജെപി
നിയമസഭയില് നിന്ന് അയോഗ്യരാക്കപ്പെട്ട ആറ് മുന് കോണ്ഗ്രസ് നേതാക്കളെ സ്ഥാനാര്ത്ഥികളാക്കി പ്രഖ്യാപിച്ച് ബിജെപി. മാര്ച്ച് 23 ന് ബിജെപിയില് ചേര്ന്ന നേതാക്കളെ അവരുടെ മണ്ഡലങ്ങളില് നിന്ന് തന്നെയാണ് മത്സരിപ്പിക്കുക.
ധര്മശാലയില് നിന്ന് സുധീര് ശര്മ, ലാഹൗള്, സ്പിതി എന്നിവിടങ്ങളില് നിന്ന് രവി താക്കൂര്, സുജന്പൂരില് നിന്ന് രജീന്ദര് റാണ, ബര്സാറില് നിന്ന് ഇന്ദര് ദത്ത് ലഖന്പാല്, ഗാഗ്രറ്റില് നിന്ന് ചേതന്യ ശര്മ, കുത്ലേഹാറില് നിന്ന് ദേവീന്ദര് കുമാര് ഭൂട്ടോ എന്നിവരെയാണ് ബിജെപി തിരഞ്ഞെടുത്തത്.
'ബിജെപി കുതിരക്കച്ചവടത്തില് ഏര്പ്പെട്ടുവെന്ന് ഇത് തെളിയിക്കുന്നു, സംസ്ഥാനത്തെ ജനങ്ങള് അവരെ പാഠം പഠിപ്പിക്കും.' എന്നാണ് ഈ പ്രഖ്യാപനത്തോട് ഹിമാചല് പ്രദേശ് മുഖ്യമന്ത്രി സുഖ്വീന്ദര് സിംഗ് സുഖു പ്രതികരിച്ചത്.
നിയമസഭയില് ഹാജരാകാനുള്ള വിപ്പ് ലംഘിച്ചതിനാണ് ആറ് എംഎല്എമാരെയും അയോഗ്യരാക്കിയത്. കൂടാതെ, ഫെബ്രുവരി 27ന് നടന്ന രാജ്യസഭാ തിരഞ്ഞെടുപ്പില് ആറ് എംഎല്എമാരും മൂന്ന് സ്വതന്ത്ര എംഎല്എമാരും ബിജെപി സ്ഥാനാര്ഥി ഹര്ഷ് മഹാജന് വോട്ട് ചെയ്തിരുന്നു.
https://www.facebook.com/Malayalivartha