ജമ്മു-കശ്മീരില് സായുധ സേന പ്രത്യേക അധികാര നിയമം പിന്വലിക്കുന്നത് കേന്ദ്ര സര്ക്കാറിന്റെ പരിഗണനയിലാണെന്ന് കേന്ദ്ര ആഭ്യന്തര മന്ത്രി അമിത് ഷാ
ജമ്മു-കശ്മീരില് സായുധ സേന പ്രത്യേക അധികാര നിയമം (അഫ്സ്പ) പിന്വലിക്കുന്നത് കേന്ദ്ര സര്ക്കാറിന്റെ പരിഗണനയിലാണെന്ന് കേന്ദ്ര ആഭ്യന്തര മന്ത്രി അമിത് ഷാ.
കേന്ദ്ര ഭരണപ്രദേശത്തെ സൈന്യത്തെ പിന്വലിച്ച് ക്രമസമാധാന ചുമതല ജമ്മു-കശ്മീര് പൊലീസിന് വിട്ടുകൊടുക്കാനും സര്ക്കാറിന് പദ്ധതിയുണ്ടെന്ന് ഷാ .
ജമ്മു-കശ്മീര് മീഡിയാ ഗ്രൂപ്പിന് നല്കിയ അഭിമുഖത്തിലാണ് അദ്ദേഹം ഇക്കാര്യങ്ങള് വ്യക്തമാക്കിയത്. 'സൈന്യത്തെ പിന്വലിച്ച് ക്രമസമാധാന ചുമതല ജമ്മു-കശ്മീര് പൊലീസിന് വിട്ടുകൊടുക്കാന് പദ്ധതിയുണ്ട്.
നേരത്തെ, ജമ്മു കശ്മീര് പൊലീസില് വിശ്വാസമില്ലായിരുന്നു, എന്നാല്, ഇന്ന് സാഹചര്യം മാറി. സ്വന്തം നിലയില് അവര് ഓപറേഷന് നടത്തുന്നുണ്ട്. ജമ്മു-കശ്മീര് നിയമസഭാ തെരഞ്ഞെടുപ്പ് സെപ്റ്റംബറിനു മുമ്പ് നടത്തുമെന്നും ഷാ പറഞ്ഞു. വടക്കുകിഴക്കന് സംസ്ഥാനങ്ങളിലെ 70 ശതമാനം മേഖലകളില് നിന്നും അഫ്സ്പ പിന്വലിച്ചതായി നേരത്തെ ഷാ വ്യക്തമാക്കിയിട്ടുണ്ടായിരുന്നു.
വിവിധ സംഘടനകളും വ്യക്തികളും ജമ്മു-കശ്മീരില് നിന്ന് അഫ്സ്പ പിന്വലിക്കണമെന്ന് ഏറെ നാളായി ആവശ്യപ്പെടുന്നുണ്ട്. 'ജമ്മു-കശ്മീരില് ജനാധിപത്യം ഉറപ്പാക്കുമെന്നത് പ്രധാനമന്ത്രി നരേന്ദ്ര മോദിയുടെ വാഗ്ദാനമാണ്, അത് നടപ്പാക്കും. എന്നിരുന്നാലും, ഈ ജനാധിപത്യം മൂന്ന് കുടുംബങ്ങളില് മാത്രം ഒതുങ്ങില്ല, ജനകീയ ജനാധിപത്യമായിരിക്കുമെന്നും ഷാ കൂട്ടിച്ചേര്ത്തു.സെപ്റ്റംബറിനു മുമ്പായി ജമ്മു-കശ്മീരില് നിയമസഭ തെരഞ്ഞെടുപ്പ് നടത്തണമെന്ന് സുപ്രീംകോടതി ഉത്തരവിട്ടിട്ടുണ്ടായിരുന്നു.
"
https://www.facebook.com/Malayalivartha