ഐ.എസ്.ആര്.ഒയുടെ പുനരുപയോഗിക്കാവുന്ന വിക്ഷേപണ വാഹനം പുഷ്പകിന്റെ മൂന്നാം ലാന്ഡിംഗ് പരീക്ഷണവും വിജയം
ഐ.എസ്.ആര്.ഒയുടെ പുനരുപയോഗിക്കാവുന്ന വിക്ഷേപണ വാഹനം പുഷ്പകിന്റെ (ആര്.എല്.വി, റീയൂസബിള് ലോഞ്ച് വെഹിക്കിള്) മൂന്നാം ലാന്ഡിംഗ് പരീക്ഷണവും വിജയം. പുഷ്പകിന്റെ തുടര്ച്ചയായ മൂന്നാം ലാന്ഡിംഗ് പരീക്ഷണവിജയം അപൂര്വ നേട്ടമാണെന്ന് ഐ.എസ്.ആര്.ഒ.
കര്ണാടക ചിത്രദുര്ഗയിലെ ഡി.ആര്.ഡി.ഒ എയ്റോനോട്ടിക്കല് ടെസ്റ്റ് റേഞ്ചില് ഇന്നലെ രാവിലെ 7.10നായിരുന്നു പരീക്ഷണം നടന്നത്. വ്യോമസേനയുടെ ചിനൂക് ഹെലികോപ്ടര് ഉപയോഗിച്ച് പുഷ്പകിനെ സമുദ്രനിരപ്പില് നിന്ന് നാലരകിലോമീറ്റര് മുകളിലേക്ക് ഉയര്ത്തി താഴേക്ക് സ്വതന്ത്രമാക്കി. സ്വയം ദിശയും വേഗവും നിയന്ത്രിച്ച് പേടകം റണ്വേയില് തിരിച്ചിറക്കുകയും ചെയ്തു.
ആര്.എല്.വിയെ ബഹിരാകാശത്തേക്ക് അയച്ച് തിരിച്ചിറക്കുന്ന ഓര്ബിറ്റല് റീഎന്ട്രി പരീക്ഷണമാണ് അടുത്ത ഘട്ടം. കഴിഞ്ഞ വര്ഷം ഏപ്രില് രണ്ടിനാണ് പുഷ്പകിന്റെ ആദ്യ ലാന്ഡിംഗ് പരീക്ഷണം.
ഇക്കഴിഞ്ഞ മാര്ച്ച് 22ന് രണ്ടാമത്തെ പരീക്ഷണം നടത്തി. രണ്ടുപരീക്ഷണങ്ങള്ക്കും ഒരേ പേടകമാണ് ഉപയോഗിച്ചത്. ആദ്യ പരീക്ഷണത്തില് നിന്ന് പാഠങ്ങള് ഉള്ക്കൊണ്ട് പുഷ്പകിന്റെ ലാന്ഡിംഗ് ഗിയര് കൂടുതല് ബലപ്പെടുത്തിയിട്ടുണ്ടായിരുന്നു.
https://www.facebook.com/Malayalivartha
