ട്രെയിനിന്റെ പടിയിലിരുന്ന് യാത്രചെയ്യുന്നതിനിടെ പുറത്തേക്ക് തെന്നി വീണ് യാത്രക്കാരന് ദാരുണാന്ത്യം. തമിഴ്‌നാട് കടലൂര്‍ സ്വദേശിയായ ബാലമുരുകന്‍ (24) ആണ് മരിച്ചത്. ട്രെയിനിന്റെ പടിയിയിലിരുന്ന് യാത്ര ചെയ്യുകയായിരുന്ന ബാലമുരുകന്‍ കാല്‍ തെന്നി പ്ലാറ്റ്‌ഫോമിനും ട്രാക്കിനും ഇടയിലേക്ക് വീഴുകയായിരുന്നു. വൈഗ എക്സ്പ്രസിന്റെ ജനറല്‍ കമ്പാര്‍ട്ട്മെന്റിലാണ് അപകടമുണ്ടായത്.


ഉച്ചയ്ക്ക് 2.30 ഓടെ ട്രെയിന്‍ സൈദാപേട്ട സ്റ്റേഷന്‍ കടക്കുന്നതിനിടെയാണ് അപകടമുണ്ടായത്. പടിയിലിരിക്കുകയായിരുന്നു യുവാവ് ട്രെയിന്‍ വേഗതയെടുത്തതോടെ പിടിവിട്ട് ട്രാക്കിലേക്ക് തെറിച്ച് വീഴുകയായിരുന്നു. സംഭവസ്ഥലത്ത് വെച്ച് തന്നെ ബാലമുരുകന്റെ ജീവന്‍ നഷ്ടപ്പെട്ടു. ിട്ടുനല്‍കി.

വിവരമറിഞ്ഞ് റെയില്‍വേ പൊലീസ് സ്ഥലത്തെത്തിയാണ് മൃതദേഹം പുറത്തെടുത്തത്. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കി.