ഇന്ത്യന് ടീം ക്യാപ്റ്റന് ധോണി ഒത്തുകളിച്ചെന്ന് ടീം മാനേജരുടെ വെളിപ്പെടുത്തല്, ആരോപണം തള്ളിക്കളഞ്ഞ് ബിസിസിഐ
മാഞ്ചസ്റ്ററില് 2014ല് നടന്ന ഇന്ത്യ ഇംഗ്ലണ്ട് നാലാം ടെസ്റ്റില് ഇന്ത്യന് ക്യാപ്റ്റന് എം.എസ്. ധോണി ഒത്തുകളിച്ചെന്നു വെളിപ്പെടുത്തല്. ഇന്ത്യന് ടീം മാനേജരായിരുന്ന സുനില് ദേവ് ആണ് ക്രിക്കറ്റ് ലോകത്തെ ഞെട്ടിച്ച വെളിപ്പെടുത്തല് നടത്തിയത്. ഡല്ഹി ഡിസ്ട്രിക്ട് ക്രിക്കറ്റ് അസോസിയേഷന് സെക്രട്ടറികൂടിയായ ദേവിന്റെ ആരോപണം ഹിന്ദി ദിനപത്രമാണു പുറത്തുവിട്ടത്.
പത്രം നടത്തിയ ഒളിക്യാമറാ ഓപ്പറേഷനിലാണു ദേവ് ഇക്കാര്യങ്ങള് വെളിപ്പെടുത്തുന്നത്. മാഞ്ചസ്റ്ററിലെ മത്സരത്തിനു മുന്പ് മഴ പെയ്തിരുന്നു. പിച്ചിന്റെ അവസ്ഥ കണക്കിലെടുത്ത്, ടോസ് ലഭിച്ചാല് ആദ്യം ബോള് ചെയ്യാനായിരുന്നു ടീം മീറ്റിങ്ങിലെ തീരുമാനം. എന്നാല്, ധോണി ബാറ്റ് ചെയ്യാന് തീരുമാനിച്ചു. ഇത് ടീമിനെയൊന്നാകെ അല്ഭുതപ്പെടുത്തി. കമന്ററി ബോക്സിലുണ്ടായിരുന്ന മുന് ഇംഗ്ലണ്ട് നായകന് ജെഫ്രി ബോയ്കോട്ടും തീരുമാനത്തിലെ ഞെട്ടല് മറച്ചുവച്ചില്ല. ധോണിയുടെ തീരുമാനം ഒത്തുകളിയുടെ ഭാഗമായിരുന്നുവെന്ന് നൂറു ശതമാനം ഉറപ്പുണ്ട്സുനില്ദേവ് സംഭാഷണത്തില് പറയുന്നു.
സംഭാഷണം ഇന്നലെ വാര്ത്താസമ്മേളനത്തില് പുറത്തുവിട്ടു. സംഭവം അന്നത്തെ ബി.സി.സി.ഐ അധ്യക്ഷന് എന്. ശ്രീനിവാസനെ അറിയിച്ചിരുന്നു. അദ്ദേഹത്തിന്റെ മുന്നില്വച്ച് ഇതുസംബന്ധിച്ചു റിപ്പോര്ട്ട് ടൈപ്പ് ചെയ്തു നല്കി. എന്നാല് നടപടിയുണ്ടായില്ല. ജീവനു ഭീഷണിയുണ്ടാകുമെന്ന ഭയം കാരണമാണു കമ്മിഷനുകള്ക്ക് മുന്പാകെ വെളിപ്പെടുത്താതിരുന്നത്. ലോകത്തെ ഏറ്റവും മികച്ച അസോസിയേഷനാണ് ബിസിസിഐയെന്നും അതിനാല് തന്റെ സംഭാഷണം റെക്കോര്ഡ് ചെയ്താല് താന് ഇതു നിഷേധിക്കുമെന്നും ദേവ് പറയുന്നതായി ടേപ്പില് കേള്ക്കാം. എന്നാല്, ഐപിഎല് വാതുവയ്പ് അന്വേഷിച്ച ജസ്റ്റിസ് മുകുല് മുദ്ഗല് പുതിയ വെളിപ്പെടുത്തല് തള്ളിക്കളഞ്ഞു. ഇത് സത്യമാണെങ്കില് ബോര്ഡിന് എഴുതി നല്കണം. മാത്രമല്ല, ഒത്തുകളി ഒരാള് വിചാരിച്ചാല് നടക്കുന്ന കാര്യമല്ല. മൂന്നിലേറെ താരങ്ങള് വിചാരിച്ചാല് മാത്രമേ ഒത്തുകളി പ്രായോഗികമാകൂവെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha