തമിഴ്‍ സിനിമ ലോകത്തിന് മറ്റൊരു തീരാനഷ്ടം കൂടി. തെന്നിന്ത്യൻ‌ നടൻ ഡൽഹി ഗണേഷ് (80) അന്തരിച്ചു. വാർധക്യ സഹജമായ അസുഖത്തെ തുടർന്ന് ഇന്നലെ രാത്രി 11.30 ഓടെ ചെന്നൈയിലായിരുന്നു അന്ത്യം. സംസ്കാരം ഇന്ന് നടക്കും.1944 ഓഗസ്റ്റ് 1ന് ജനിച്ച ഡൽഹി ഗണേഷ് 1976ൽ കെ.ബാലചന്ദറിന്റെ പട്ടണപ്രവേശം എന്ന ചിത്രത്തിലൂടെയാണ് സിനിമാരംഗത്തേക്ക് കടന്നുവരുന്നത്. തമിഴ്, തെലുങ്ക്, മലയാളം എന്നീ ഭാഷകളിലായി നാനൂറിലധികം സിനിമകളിൽ അദ്ദേഹം പ്രത്യക്ഷപ്പെട്ടു.

തമിഴ് സിനിമകളിലും സീരിയലുകളിലും ക്യാരക്ടർ റോളുകളാണ് നടൻ കൂടുതലായി ചെയ്തത്. ഒരു ദശാബ്ദക്കാലം ഇന്ത്യൻ വ്യോമസേനയിലും സേവനമനുഷ്ഠിച്ചിട്ടുണ്ട്.നായകൻ (1987), മൈക്കിൾ മദന കാമ രാജൻ (1990) എന്നീ സിനിമകളിലെ വേഷങ്ങളിലൂടെ പ്രശസ്തനാണ് ഡൽഹി ഗണേഷ്. അപൂർവ സഹോദരങ്ങൾ (1989), ആഹാ..! (1997), തെന്നാലി (2000), എങ്കമ്മ മഹാറാണി (1981) എന്നീ സിനിമകളിലും വേഷങ്ങളും ശ്രദ്ധിക്കപ്പെട്ടു. രജനികാന്ത്, കമൽഹാസൻ, വിജയകാന്ത് എന്നിവർക്കൊപ്പം നിരവധി സിനിമകളിൽ അഭിനയിച്ച ഗണേഷിന് 1979ൽ അഭിനയത്തിന് തമിഴ്നാട് സർക്കാരിന്റെ പ്രത്യേക ജൂറി പരമാർശവും ലഭിച്ചിട്ടുണ്ട്.

ധ്രുവം, ദേവാസുരം, കാലാപാനി, കീർത്തിചക്ര, പോക്കിരിരാജ തുടങ്ങിയവയാണ് ഡൽഹി ഗണേഷിന്റെ മലയാള ചിത്രങ്ങൾ.1944 ൽ നെല്ലായിലാണ് ഡൽഹി ഗണേഷ് ജനിച്ചത്. ഇന്ത്യൻ എയർഫോഴ്സിലായിരുന്ന ഡൽഹി ഗണേഷ് 1976 ൽ പട്ടിന പ്രവേശം എന്ന ചിത്രത്തിലൂടെയാണ്സിനമയിൽ അരങ്ങേറ്റം കുറിക്കുന്നത്. ഭാരത് നാടക സഭ എന്ന ഡൽഹി നാടക സംഘത്തിൽ അംഗമായിരുന്ന ഗണേഷ് മലയാളം , തമിഴ്, തെലുഗു അടക്കം 400 ഓളം സിനിമകളിൽ വേഷമിട്ടിട്ടുണ്ട്.

സിനിമയിലെത്തിയശേഷം കെ ബാലചന്ദര്‍ ആണ് ഗണേശൻ എന്ന യഥാര്‍ത്ഥ പേര് മാറ്റി ഡല്‍ഹി ഗണേശ് എന്ന പേര് നൽകിയത്. വ്യോമസേന ഉദ്യോഗസ്ഥനായിരുന്നു. സിനിമയിൽ അഭിനയിക്കാനായി ജോലി ഉപേക്ഷിച്ചു. പാസി എന്ന ചിത്രത്തിലെ മികച്ച അഭിനയത്തിന് 1979 ൽ സംസ്ഥാന പുരസ്കാരം ലഭിച്ചു. 1994-ൽ കലൈമാമണി അവാർഡും ലഭിച്ചിട്ടുണ്ട്.നിരവധി പ്രമുഖരാണ് അദ്ദേഹത്തിന് ആദരാഞ്ജലികൾ അർപ്പിച്ചു കൊണ്ട് രംഗത്ത് വരുന്നത്.