പാർലമെന്റിൽ പ്രധാനമന്ത്രിക്ക് പിന്നിലായി അദ്ദേഹത്തിന് അകമ്പടി നിൽക്കുന്ന ഒരു വനിതാ കമാൻഡോയുടെ ചിത്രമാണ് സോഷ്യൽ മീഡിയയിൽ വൈറലായി മാറുന്നത്. നടിയും ബിജെപി എംപിയുമായ കങ്കണ റാവത്തും തന്റെ ഇൻസ്റ്റഗ്രാം സ്‌റ്റോറിയിൽ ചിത്രം പങ്കുവച്ചിരുന്നു.
ചിത്രം സാമൂഹികമാധ്യമങ്ങളിലടക്കം വൈറലായി കഴിഞ്ഞു. വനിതാ ശാക്തീകരണത്തിന്റെ ഉത്തമോദാഹരണമാണ് സ്ത്രീ സൗഹൃദ നയങ്ങൾക്ക് എക്കാലവും പ്രശംസ പിടിച്ചുപറ്റിയിട്ടുള്ള മോദിസർക്കാരിന്റെ സ്ത്രീശാക്തീകരണ നടപടികളുടെ ഏറ്റവും വലിയ ഉദാഹരണമായാണ് പലരും ചിത്രത്തെ വിലയിരുത്തിയത്.

ചിത്രത്തിന്റെ ആധികാരികതയിൽ സംശയം ഉണ്ടായില്ലെങ്കിലും ഈ വനിതാ കമാൻഡോ ആരെന്നായിരുന്നു പലരുടെയും അന്വേഷണം. മോദിക്ക് പിന്നിലായി ബ്ലാക്ക് സ്യൂട്ടിൽ നിൽക്കുന്ന വനിതാ ഉദ്യോഗസ്ഥ ഉയർന്ന പരിശീലനം ലഭിച്ച സ്പെഷ്യൽ പ്രൊട്ടക്ഷൻ ഗ്രൂപ്പിന്റെ (SPG) ഭാഗമാകുമെന്നാണ് പലരും ഊഹിച്ചത്. പ്രധാനമന്ത്രി, മുൻപ്രധാനമന്ത്രിമാർ, അവരുടെ അടുത്ത കുടുംബാംഗങ്ങൾ എന്നിവരുടെ സുരക്ഷാ ചുമതല എസ്പിജിക്കാണ്. ചില വനിതാ എസ്പിജി കമാൻഡോകളും ഈ ‘ക്ലോസ് പ്രൊട്ടക്ഷൻ ടീമിന്റെ’ ഭാഗമാണ്.എന്നാൽ ഈ വനിതാ ഉദ്യോഗസ്ഥ എസ്പിജിയുടെ ഭാഗമല്ലെന്ന് സുരക്ഷാവൃത്തങ്ങൾ അറിയിച്ചു.

ഇവർ രാഷ്‌ട്രപതി ദ്രൗപതി മുർമുവിന്റെ പേർസണൽ സെക്യൂരിറ്റി ഓഫീസറാണ് (PSO).അവർ സെൻട്രൽ റിസർവ് പൊലീസ് സേനയുടേയോ സിആർപിഎഫിന്റേയോ അസിസ്റ്റൻ്റ് കമാൻഡൻ്റാണ്. മോദി സർക്കാർ രാജ്യത്തിന്റെ സായുധ സേനകളിൽ വനിതാ പ്രാതിനിധ്യം വർദ്ധിപ്പിച്ചിരുന്നു. വ്യോമ പ്രതിരോധം, സിഗ്നലുകൾ, ഓർഡനൻസ്, ഇൻ്റലിജൻസ്, എഞ്ചിനീയർമാർ, സർവീസ് കോർപ്സ് തുടങ്ങിയ വിഭാഗങ്ങളിൽ നിലവിൽ വനിതാ ഉദ്യോഗസ്ഥർക്കും പ്രതിനിധ്യമുണ്ട്.വര്‍ഷങ്ങളായി എസ്പിജിയുടെ സുരക്ഷാ ചട്ടക്കൂടിന്റെ ഭാഗമാണ് വനിതാ കമാന്‍ഡോകള്‍. ഈ കമാന്‍ഡോകള്‍ സാധാരണയായി സ്ത്രീ സന്ദര്‍ശകരെ പരിശോധിക്കുന്നതിനായി ഗേറ്റുകളില്‍ വിന്യസിക്കപ്പെടുന്നു,കൂടാതെ പരിസരത്ത് പ്രവേശിക്കുന്നതോ പുറത്തുപോകുന്നതോ ആയ ആളുകളെ നിരീക്ഷിക്കുന്നതിലും ഉള്‍പ്പെടുന്നു.

2015 മുതല്‍, എസ്പിജിയുടെ ക്ലോസ് പ്രൊട്ടക്ഷന്‍ ടീമില്‍ (സിപിടി) സ്ത്രീകളെയും ഉള്‍പ്പെടുത്തിയിട്ടുണ്ട്. നിലവില്‍ എസ്പിജിയില്‍ നൂറോളം വനിതാ കമാന്‍ഡോകളുണ്ടെന്നാണ് റിപ്പോര്‍ട്ട്. അവര്‍ അടുത്ത സംരക്ഷണ റോളുകളിലും വിപുലമായ സുരക്ഷാ ബന്ധ ശേഷികളിലും സേവനം ചെയ്യുന്നു.ഇന്ത്യയിലെ സ്ത്രീകളെ ശാക്തീകരിക്കുന്നതിനായി കേന്ദ്ര സർക്കാരും സംസ്ഥാന സർക്കാരുകളും ആരംഭിച്ച പദ്ധതികളാണ് സ്ത്രീ ശാക്തീകരണ പദ്ധതികൾ. സ്ത്രീശാക്തീകരണം എന്നാൽ എല്ലാ പ്രായത്തിലുമുള്ള സ്ത്രീകൾക്ക് വിഭവങ്ങൾ, അവസരങ്ങൾ, തീരുമാനങ്ങൾ എടുക്കുന്നതിനുള്ള ശക്തി,

ശേഷി വർദ്ധിപ്പിക്കൽ എന്നിവയിൽ തുല്യമായ പ്രവേശനം നൽകുക എന്നതാണ്.വിദ്യാഭ്യാസം, നൈപുണ്യ വികസനം, തൊഴിലവസരങ്ങൾ വർധിപ്പിക്കുക തുടങ്ങിയവയിലൂടെ സ്ത്രീ ശാക്തീകരണം കൈവരിക്കാനാകും. സ്ത്രീ ശാക്തീകരണത്തിനായുള്ള സർക്കാർ പദ്ധതികൾ ഇന്ത്യാ ഗവൺമെൻ്റിൻ്റെ പ്രധാന മുൻഗണനകളിലൊന്നാണ്. വിവിധ മന്ത്രാലയങ്ങളിലൂടെയും വകുപ്പുകളിലൂടെയും സ്ത്രീ ശാക്തീകരണത്തിനായി സർക്കാർ വിവിധ പദ്ധതികൾ ആരംഭിച്ചിട്ടുണ്ട്.