സ്വത്ത് തര്‍ക്കം നയിച്ചത് മനസ്സുമരവിക്കുന്ന കൂട്ടക്കൊലയിലേക്ക്. താനെയില്‍ കുടുംബത്തിലുള്ള 14 പേരെ കൊന്നതിന് ശേഷം യുവാവ് ആത്മഹ്യ ചെയ്തു. കസര്‍വാഡവലി ഗ്രാമവാസിയായ ഹസന്‍ അന്‍വര്‍ വാരേകര്‍ (35) ആണ് കൃത്യം ചെയ്തത്. മൂര്‍ച്ഛയുള്ള ആയുധം ഉപയോഗിച്ച് കഴുത്തറുത്താണ് കൊലപാതകം നടത്തിയതെന്ന് പൊലീസ് പറഞ്ഞു.
ഏഴ് കുട്ടികള്‍, ആറ് സ്ത്രീകള്‍, ഒരു പുരുഷന്‍ എന്നിവരാണ് കൊലപാതകത്തിന് ഇരയായത്. ഇയാളുടെ അക്രമണത്തില്‍ നിന്ന് ഒരു സ്ത്രീ പരിക്കുകളോടെ രക്ഷപ്പെട്ടിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചു. കൊലപാതകത്തിന് ശേഷം ഇയാളെ കൈയില്‍ കത്തിയുമായി തൂങ്ങി മരിച്ച നിലയില്‍ കണ്ടെത്തുകയായിരുന്നു. ആക്രമണത്തിന്റെ ഞെട്ടലില്‍ ആയതിനാല്‍ പരിക്കേറ്റ സ്ത്രീയില്‍ നിന്ന് മൊഴിയെടുത്തിട്ടില്ലെന്ന് പൊലീസ് ജോയിന്റ് കമീഷണര്‍ അശുതോഷ് ദുംറെ പറഞ്ഞു. കൂട്ടക്കൊലപാതകത്തിന് കാരണമെന്തെന്ന് വ്യക്തമല്ലെന്നും അദ്ദേഹം പറഞ്ഞു.
വാറേക്കറിന്റെ അടുത്ത ബന്ധുക്കളാണ് കൊല്ലപ്പെട്ടവരെല്ലാം. കൈയ്യില്‍ കത്തിയുമായി തൂങ്ങിമരിച്ച നിലയിലാണ് വാറേക്കറിന്റെ മൃതദേഹം കണ്ടത്തിയത്. ഗുരുതരമായി പരുക്കേറ്റ സുബിയ ബാര്‍മര്‍ എന്ന യുവതി ആശുപത്രിയില്‍ ചികില്‍സയിലാണ്. കൊലയ്ക്കു പിന്നലെ കാരണം എന്താണെന്ന് വ്യക്തമായിട്ടില്ലെന്ന് ജോയിന്റ് കമ്മിഷണര്‍ അശുതോഷ് ദുമ്രേ പറഞ്ഞു.
ഇന്നലെ രാത്രി കുടുംബാംഗങ്ങള്‍ക്കായി വാറേക്കര്‍ വീട്ടില്‍ പാര്‍ട്ടി സംഘടിപ്പിച്ചിരുന്നു. ഇതില്‍ പങ്കെടുക്കുന്നതിനെത്തിയ കുടുംബാംഗങ്ങള്‍ ഉറങ്ങുന്നതിനിടെയില്‍ കൊലപ്പെടുത്തുകയായിരുന്നു. ഇവരെ കൊലപ്പെടുത്തിയതിനുശേഷം വാറേക്കര്‍ തൂങ്ങി മരിക്കുകയും ചെയ്തു. മൃതദേഹത്തിനടുത്തുനിന്ന് കൊലയ്ക്കുപയോഗിച്ച കത്തി കണ്ടെടുത്തിട്ടുണ്ടെന്നും പൊലീസ് പറഞ്ഞു. സംഭവത്തില്‍ അന്വേഷണം ആരംഭിച്ചിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha