വ്യാജ ബോംബ് ഭീഷണി നടത്തിയ വനിതാ എന്ജിനീയര് അറസ്റ്റില്

നരേന്ദ്ര മോദി സ്റ്റേഡിയം, വിമാനദുരന്തമുണ്ടായ ബി.ജെ.മെഡിക്കല് കോളജ്, വിവിധ സംസ്ഥാനങ്ങളിലെ സ്കൂളുകള് എന്നിവിടങ്ങളിലേക്കു വ്യാജ മെയില് ഐഡികളില്നിന്നു ഭീഷണി സന്ദേശം അയച്ച വനിതാ എന്ജിനീയര് അറസ്റ്റില്. തമിഴ്നാട് ചൈന്നൈ സ്വദേശിയായ റോബോട്ടിക്സ് എന്ജിനീയര് റെനെ ജോഷില്ഡയെയാണ് (26) അഹമ്മദാബാദ് സൈബര് പൊലീസ് കഴിഞ്ഞ ദിവസം അറസ്റ്റ് ചെയ്തത്.
ഒപ്പം ജോലി ചെയ്തിരുന്ന ദിവിജ് പ്രഭാകര് എന്ന യുവാവിനെ വിവാഹം കഴിക്കാന് ജോഷില്ഡ ആഗ്രഹിച്ചിരുന്നു. ഫെബ്രുവരിയില് ഇയാള് വിവാഹം കഴിച്ചതോടെ, ജോഷില്ഡ ദിവിജിനെ കള്ളക്കേസില് കുടുക്കാന് പദ്ധതിയിട്ടു. തുടര്ന്ന് ദിവിജിന്റെ പേരില് ഒട്ടേറെ വ്യാജ മെയില് ഐഡികള് ഉണ്ടാക്കി ഈ ഐഡികള് ഉപയോഗിച്ച് ബോംബ് ഭീഷണികള് അയയ്ക്കുകയായിരുന്നു.
ജര്മനി, റൊമേനിയ തുടങ്ങിയ രാജ്യങ്ങളില് നിന്നാണെന്ന വ്യാജേനയായിരുന്നു മെയിലുകള്. ഗുജറാത്തിലെ ഒരു സ്കൂളിലേക്ക് അയച്ച ബോംബ് ഭീഷണിയില് 2023 ല് ഹൈദരാബാദിലുണ്ടായ ഒരു പീഡനക്കേസിലേക്ക് പൊലീസിന്റെ ശ്രദ്ധ ക്ഷണിക്കാനാണ് ഇതെന്നും ഇതില് ദിവിജിന് പങ്കുണ്ടെന്നും ആരോപിച്ചിരുന്നു.
https://www.facebook.com/Malayalivartha