19 യാത്രക്കാരുമായി പുറപ്പെട്ട ബസ് നിയന്ത്രണം വിട്ട് ഉത്തരാഖണ്ഡിലെ അളകനന്ദാ നദിയിലേക്ക് മറിഞ്ഞ് അപകടം. സംഭവത്തില്‍ ഒരാള്‍ മരിച്ചെന്നും ഏഴ് പേരെ രക്ഷപ്പെടുത്തിയതായും റിപ്പോര്‍ട്ടുകളുണ്ട്. 11 പേര്‍ക്കായുളള തിരച്ചില്‍ പുരോഗമിക്കുന്നു.

ഉത്തരാഖണ്ഡിലെ രുദ്രപ്രയാഗിന് സമീപത്തായിരുന്നു അപകടം സംഭവിച്ചത്. പൊലീസും സംസ്ഥാന ദുരന്തനിവാരണ സേനയും എത്തിയാണ് രക്ഷാപ്രവര്‍ത്തനം നടത്തുന്നത്. രക്ഷപ്പെടുത്തിയവരെ സമീപത്തെ ആശുപത്രിയിലേക്ക് മാറ്റി. കൂടുതല്‍ വിവരങ്ങള്‍ അറിവായിട്ടില്ല.