മദ്രാസ് ഐ.ഐ.ടി ക്യാമ്പസില്‍ 20കാരിക്ക് നേരെ ലൈംഗികാതിക്രമത്തില്‍ മുംബയ് സ്വദേശി പിടിയില്‍. ക്യാമ്പസിലെ ഭക്ഷണശാലയിലെ ജീവനക്കാരനുമായ റോഷന്‍ കുമാറിനെയാണ് പൊലീസ് അറസ്റ്റ് ചെയ്തത്. കഴിഞ്ഞ ദിവസം രാത്രി ഏഴരയോടെയാണ് സംഭവം. ക്യാമ്പസിലൂടെ ഒറ്റയ്ക്ക് നടക്കുകയായിരുന്ന യുവതിയുടെ മുടിയില്‍ പിടിച്ച് വീഴ്ത്തിയതിന് ശേഷം ഉപദ്രവിക്കുകയായിരുന്നു.

യുവതി ബഹളം വച്ചതോടെ സുരക്ഷാ ജീവനക്കാര്‍ എത്തി ഇയാളെ കീഴ്‌പ്പെടുത്തി പൊലീസില്‍ ഏല്‍പ്പിക്കുകയായിരുന്നു. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു. യുവതിക്ക് ആവശ്യമായ മാനസിക പിന്തുണയും നിയമ സഹായവും നല്‍കുന്നുണ്ടെന്ന് ഐ.ഐ.ടി അധികൃതര്‍ വാര്‍ത്താക്കുറിപ്പില്‍ അറിയിച്ചു.