അതിര്ത്തിയില് പ്രശ്നം രൂക്ഷം; പാക് വെടിവെപ്പില് ബി.എസ്.എഫ് ജവാന് കൊല്ലപ്പെട്ടു
23 OCTOBER 2013 11:31 PM IST
മലയാളി വാര്ത്ത.
അതിര്ത്തിയില് വീണ്ടും പാക് വെടിവെപ്പ് തുടരുന്നു. ഇന്നലെ രാത്രി നടന്ന വെടിവെയ്പില് ഒരു ബി.എസ്.എഫ് ജവാന് കൊല്ലപ്പെടുകയും ആറ് പേര്ക്ക് പരിക്കേല്ക്കുകയും ചെയ്തു. ചൊവ്വാഴ്ച രാത്രിയാണ് ഇന്ത്യന് പോസ്റ്റിനുനേരേ വെടിവയ്പ്പുണ്ടായത്. ആര്എസ് പുര, പര്ഗവാള് എന്നിവിടങ്ങളിലാണ് അക്രമണമുണ്ടായത്. ആഭ്യന്തര മന്ത്രി സുശീല് കുമാര് ഷിന്ഡെയുടെ കാശ്മീര് സന്ദര്ശനത്തിനു പിന്നാലെയാണ് സംഭവം.
പാക്കിസ്ഥാന്റെ ഭാഗത്തു നിന്ന് തുടര്ച്ചയായ ഷെല്ലാക്രമണവും വെടിവയ്പ്പുമാണ് ഉണ്ടായത്. കഴിഞ്ഞ ഒരാഴ്ചയ്ക്കിടെ മുപ്പതു തവണയാണ് പാക്കിസ്ഥാന് കരാര് ലംഘിച്ച് വെടിവെയ്പ് നടത്തിയത്. ഇതിനെത്തുടര്ന്ന് അതിര്ത്തിയില് സ്ഥിതിഗതികള് മോശമാകുകയാണ്. നുഴഞ്ഞു കയറ്റവും ശക്തമായിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
