ജമ്മു കശ്മീരിലെ ദോഡയില്‍ മേഘവിസ്‌ഫോടനം
ജമ്മു കശ്മീരിലെ ദോഡ ജില്ലയില്‍ മേഘവിസ്‌ഫോടനത്തില്‍ നാല് പേര്‍ മരിച്ചു. ചൊവ്വാഴ്ചയാണ് മേഘവിസ്‌ഫോടനം ഉണ്ടായത്. കത്വ, കിഷ്ത്വാര്‍ എന്നിവിടങ്ങളിലും സമാനമായ ദുരന്തങ്ങള്‍ ഉണ്ടായി. പെട്ടെന്നുള്ള കനത്ത മഴയെ തുടര്‍ന്ന് വെള്ളപ്പൊക്കം ഉണ്ടായി. പത്തിലധികം വീടുകള്‍ക്ക് കേടുപാടുകള്‍ സംഭവിച്ചതായി അധികൃതര്‍ അറിയിച്ചു.
ജമ്മു മേഖലയിലെ കതുവ, സാംബ, ദോഡ, ജമ്മു, റംബാന്‍, കിഷ്ത്വാര്‍ ജില്ലകള്‍ ഉള്‍പ്പെടെ നിരവധി ഭാഗങ്ങളില്‍ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്‍കിയതിന് പിന്നാലെയാണ് സംഭവം. പ്രതികൂല കാലാവസ്ഥ കണക്കിലെടുത്ത് ജമ്മു ഡിവിഷനിലെ എല്ലാ സര്‍ക്കാര്‍, സ്വകാര്യ സ്‌കൂളുകളും അടച്ചിട്ടു.
മണ്ണിടിച്ചിലിനെയും മലവെള്ളപ്പാച്ചിലിനെയും തുടര്‍ന്ന് മുന്‍കരുതല്‍ നടപടിയായി ജമ്മുശ്രീനഗര്‍ ദേശീയ പാതയിലൂടെയുള്ള ഗതാഗതം നിര്‍ത്തിവച്ചു. ഒരു പ്രാദേശിക അരുവി കരകവിഞ്ഞൊഴുകിയതിനെ തുടര്‍ന്ന് ദോഡയിലെ ഒരു പ്രധാന റോഡ് ഒലിച്ചുപോയി.
https://www.facebook.com/Malayalivartha
