ജമ്മു കശ്മീരിലെ ഉധംപൂരില്‍ ഭീകരരും സുരക്ഷാസേനയും തമ്മില്‍ വെടിവെയ്പ്പ്....ഒരു സൈനികന് പരുക്ക്
ജമ്മു കശ്മീരിലെ ഉധംപൂരില്‍ ഭീകരരും സുരക്ഷാസേനയും തമ്മില്‍ വെടിവെയ്പ്പ്്. ഭീകരര്‍ നടത്തിയ വെടിവെപ്പില്‍ ഒരു സൈനികന് പരിക്കേറ്റു. മൂന്ന് ജെയ്‌ഷെ മുഹമ്മദ് ഭീകരരെ സുരക്ഷാസേന വളഞ്ഞതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
കിഷ്താറിലെ ദോഡ-ഉധംപൂര്‍ അതിര്‍ത്തിയില്‍ ഏറ്റുമുട്ടല്‍ നടക്കുന്നു. സൈന്യവും സ്‌പെഷ്യല്‍ ഓപറേഷന്‍ ഗ്രൂപ്പും പൊലീസും സംയുക്തമായാണ് ഓപറേഷന്‍ നടത്തുന്നത്. ഇതിനിടെ, പൂഞ്ച് സെക്ടറില്‍ സംയുക്തസേന നടത്തിയ തിരച്ചിലില്‍ എ.കെ. 47 തോക്കും മാഗസിനുകളും 20 ഹാന്‍ഡ് ഗ്രനേഡുകളും കണ്ടെടുത്തു. രഹസ്യ വിവരത്തിന്റെ അടിസ്ഥാനത്തിലായിരുന്നു സേനകളുടെ ഓപറേഷന്‍.
കഴിഞ്ഞ ഒരു വര്‍ഷമായി ഭീകരരും സുരക്ഷാസേനയും തമ്മില്‍ നിരവധി തവണ ഏറ്റുമുട്ടല്‍ നടന്ന സ്ഥലമാണ് ഉധംപൂര്‍. ജൂണ്‍ 26ന് ദുദു-ബസന്ത്ഗാഹ് വനത്തില്‍ നടന്ന ഏറ്റുമുട്ടലില്‍ ഒരു ജെയ്‌ഷെ ഭീകരനെ വധിച്ചിരുന്നു. ഏപ്രില്‍ 25ന് ബസന്ത്ഗാഹില്‍ നടന്ന ഏറ്റുമുട്ടലില്‍ കരസേന സൈനികന് വീരമൃത്യു വരിച്ചിരുന്നു.
ഭീകരരുമായി ബന്ധപ്പെട്ട കുറ്റകൃത്യങ്ങളില്‍ ജമ്മു കശ്മീര്‍ പൊലീസിന്റെ കൗണ്ടര്‍ ഇന്റലിജന്‍സ് യൂനിറ്റ് കശ്മീര്‍ താഴ്വരയിലെ ഏഴ് ജില്ലകളില്‍ തിരച്ചില്‍ നടത്തിയിരുന്നു. ശ്രീനഗര്‍, ബാരാമുല്ല, അനന്ത്‌നാഗ്, കുപ് വാര, ഹന്ദ്‌പോറ, പുല്‍വാമ, ഷോപ്പിയാന്‍ എന്നീ ജില്ലകളിലായിരുന്നു തിരച്ചില്‍.
"
https://www.facebook.com/Malayalivartha
