ആസാമില്‍ തീവ്രവാദി ആക്രമണത്തില്‍ 7 മരണം; ആക്രമണം ദീപാവലി ആഘോഷത്തിനിടെ
ആസാമില്‍ ദീപാവലി ആഘോഷത്തിനിടെയുണ്ടായ തീവ്രവാദി ആക്രമണത്തില്‍ ഏഴു മരണം. ഞായറാഴ്‌ച രാത്രി ഒമ്പതുമണിയോടെ ദീപാവലി ആഘോഷിക്കാന്‍ ഒത്തുകൂടിയവര്‍ക്കു നേരെ തീവ്രവാദികള്‍ വെടിയുതിര്‍ക്കുകയായിരുന്നു. ആക്രമണത്തില്‍ ഒമ്പതുപേര്‍ക്ക്‌ പരിക്കേറ്റിട്ടുണ്ട്‌. പരിക്കേറ്റവരെ ഉടന്‍തന്നെ ഗോല്‍പാറ സിവില്‍ ആശുപത്രിയില്‍ പ്രവേശിപ്പിച്ചു.
ഗാരോ നാഷണല്‍ ലിബറേഷന്‍ ആര്‍മിയില്‍പ്പെട്ടവരാണ്‌ വെടിവെപ്പ്‌ നടത്തിയതെന്നാണ്‌ പ്രാഥമിക നിഗമനം. ഓട്ടോമാറ്റിക്‌ തോക്കുകളും മറ്റ്‌ ആയുധങ്ങളുമായാണ്‌ തീവ്രവാദികള്‍ എത്തിയത്‌.
നവംബര്‍ 13 നും 25 നും രഭ ഹസോങ് സ്വയംഭരണ കൗണ്‍സിലിലേക്ക് തിരഞ്ഞെടുപ്പ് നടക്കുന്നതിനാല്‍ പ്രദേശത്ത് ആക്രമണ ഭീഷണി നിലനില്‍ക്കുന്നുണ്ടായിരുന്നു. ഒക്ടോബര്‍ 20 മുതല്‍ ഇവിടെ ചെറിയ തോതില്‍ സംഘര്‍ഷങ്ങള്‍ ഉണ്ടായിട്ടും വേണ്ടത്ര പോലീസിനെ വിന്യസിപ്പിച്ചിരുന്നില്ലെന്ന് നാട്ടുകാര്‍ ആരോപിക്കുന്നുണ്ട്.
https://www.facebook.com/Malayalivartha
