പെണ്കുട്ടികളുടെ ചിത്രങ്ങള് ഫേസ്ബുക്കില് നിന്നും ശേഖരിച്ച് അറസ്റ്റിലായ വിദ്യാര്ത്ഥി അതേ കുറ്റത്തില് വീണ്ടും പിടിയില്
കഴിഞ്ഞ വര്ഷം 200ഓളം പെണ്കുട്ടികളുടെ ചിത്രങ്ങള് ഫേസ്ബുക്കില് നിന്നും ശേഖരിച്ച് പണം തട്ടാന് ശ്രമിച്ച് അറസ്റ്റിലായ എഞ്ചിനീയറിംഗ് വിദ്യാര്ത്ഥി അതേ കുറ്റത്തില് വീണ്ടും പിടിയിലായി. മൂന്നാം വര്ഷ ബിടെക് വിദ്യാര്ത്ഥിയായ അബ്ദുള് മജീതാണ് അറസ്റ്റിലായത്.
ഹൈദരാബാദ് പോലീസിന്റെ സൈബര് സെല്ലാണ് ഇയാളെ അറസ്റ്റ് ചെയ്തത്. പെണ്കുട്ടികളെ വശീകരിച്ച് അവരുടെ ചിത്രങ്ങള് കൈക്കലാക്കി ഇത്വച്ച് അവരെ ഭീഷണിപ്പെടുത്തുകയും പണം തട്ടുകയുമായിരുന്നു ഇയാള് ചെയ്തിരുന്നത്. ചില നഗ്ന ദൃശ്യങ്ങള് കാട്ടി പെണ്കുട്ടികളെ ഭീഷണിപ്പെടുത്തുകയും ഇവര്ക്ക് അശ്ലീല സന്ദേശങ്ങള് അയയ്ക്കുകയും ചെയ്തതായി പോലീസ് പറഞ്ഞു.
പെണ്കുട്ടിയുടെ പേരില് ഫേക്ക് അക്കൗണ്ട് ഉണ്ടാക്കി മറ്റ് പെണ്കുട്ടികളുമായി പരിചയത്തിലാവുകയാണ് മജീതിന്റെ രീതി. പിന്നീട് ഇവരുടെ സ്വകാര്യ വിവരങ്ങളും ചിത്രങ്ങളും സ്വന്തമാക്കിയ ശേഷം ഇവരെ ഭീഷണിപ്പെടുത്തുകയായിരുന്നു. നേരത്തെ ഇതേ കാരണത്താല് പിടിയിലായ ഇയാള് ജാമ്യത്തില് ഇറങ്ങിയതായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
