മുംബൈയില്‍ 16 കാരിയെ ആറു പേര്‍ ചേര്‍ന്ന്‌ മാനഭംഗപ്പെടുത്തി
മുംബൈയില്‍ 16 കാരിയെ ആറു പേര്‍ ചേര്‍ന്ന്‌ മാനഭംഗപ്പെടുത്തി. വെള്ളിയാഴ്‌ച രാത്രിയാണ്‌ സംഭവമുണ്ടായത്‌. ദീപാവലിയോട്‌ അനുബന്ധിച്ച്‌ സംഘടിപ്പിക്കുന്ന പൂജയില്‍ പങ്കെടുക്കാന്‍ ക്ഷണിച്ച ശേഷം ഇവര്‍ പെണ്‍കുട്ടിയെ മാനഭംഗപ്പെടുത്തുകയായിരുന്നു എന്നാണ്‌ വിവരം. ഏകദേശം 20 വയസ്‌ പ്രായമുള്ള പ്രതികള്‍ക്കു വേണ്ടി പോലീസ് അന്വേഷണം ആരംഭിച്ചു.
മുംബൈയിലെ ഗുര്‍ഗാവിലാണ്‌ സംഭവം. രാത്രി ഏറെ വൈകിയതിനാല്‍ കൂട്ടിനെന്നു പറഞ്ഞ്‌ ഒപ്പം കൂടിയ പ്രതികള്‍ വഴിക്ക്‌ വെച്ച്‌ പെണ്‍കുട്ടിയെ നിര്‍ബന്ധിച്ച്‌ ബിയര്‍ കുടിപ്പിച്ച ശേഷം പീഡിപ്പിക്കുകയായിരുന്നു. പെണ്‍കുട്ടിയുടെ പരിജചയക്കാരാണ്‌ യുവാക്കള്‍ എന്നാണ്‌ സൂചന.
കഴിഞ്ഞ ഓഗസ്റ്റ്‌ 22 ന്‌ മുംബൈ ശക്തിമില്‍ പരിസരത്തുവെച്ച്‌ ഒരു വനിതാ ഫോട്ടോ ജേര്‍ണലിസ്റ്റ്‌ കൂട്ടമാനഭംഗത്തിന്‌ ഇരയായത്‌ വലിയ പ്രതിഷേധത്തിന്‌ വഴിവെച്ചിരുന്നു. ഈ കേസില്‍ വിചാരണാ നടപടികള്‍ നടക്കുന്നതിനിടയിലാണ്‌ പുതിയ പീഡനവാര്‍ത്തയും പുറത്തു വന്നത്‌.
https://www.facebook.com/Malayalivartha
