ബിഎസ്‌പി എം.പി ധനജെയ്‌ സിംഗിന്റെ വീട്ടില്‍ യുവതിയായ വേലക്കാരിയെ ദുരൂഹസാഹചര്യത്തില്‍ മരിച്ചനിലയില്‍ കണ്ടെത്തി. എം.പിയുടെ ഭാര്യയുടെ പീഡനം മൂലമാണ്‌ യുവതി മരിക്കാനിടയായതെന്നാണ്‌ റിപ്പോര്‍ട്ട്‌. കഴിഞ്ഞ 10 മാസമായി വേലക്കാരിയെ പീഡിപ്പിച്ചുവരികയാണ്‌.

ഇവരെ യാതൊരു സുരക്ഷയുമില്ലാത്ത സ്ഥലത്താണ്‌ പാര്‍പ്പിച്ചിരുന്നത്‌. യുവതിയുടെ മൃതദേഹത്ത്‌ നിരവധി ചതവുകളും മുറുവുകളും ഉണ്ടായിരുന്നതായും പറയപ്പെടുന്നു. യുപിയിലെ ജാന്‍പൂരില്‍ നിന്നുള്ള എംപിയാണ്‌ ധനജെയ്‌ സിംഗ്‌.

യുവതി തിങ്കളാഴ്‌ച രാവിലെ മരിച്ചു എന്നാണ്‌ പോലീസ്‌ പറയുന്നത്‌. എന്നാല്‍ രാത്രിയോടെ മരിച്ചു എന്നാണ്‌ യുവതിയുടെ ബന്ധുക്കള്‍ പറയുന്നത്‌. എം.പിയുടെ ഭാര്യയെ പോലീസ്‌ ചോദ്യം ചെയ്‌തിട്ടുണ്ട്‌. എന്നാല്‍ കൂടുതല്‍ വിവരങ്ങള്‍ പുറത്തു വിട്ടിട്ടില്ല.