പോഷകാഹാരകുറവ് മൂലം താര്പാക്കറില് കഴിഞ്ഞ നാലുമാസത്തിനിടെ മരിച്ചത് 162 കുട്ടികളെന്ന് റിപ്പോര്ട്ട്
03 MAY 2016 10:14 PM IST
മലയാളി വാര്ത്ത.
പോഷകാഹാരകുറവും ശുദ്ധജല ദൗര്ലഭ്യവും മൂലം പാക്കിസ്ഥാനിലെ താര്പാക്കര് ജില്ലയില് കഴിഞ്ഞ നാലു മാസത്തിനിടെ 162 കുട്ടികള് മരിച്ചതായി റിപ്പോര്ട്ട്. അഞ്ചുവയസില് താഴെയുള്ള കുട്ടികളാണു മരിച്ചവരില് ഏറെയും. മെച്ചപ്പെട്ട ചികിത്സ സൗകര്യങ്ങള് ഇല്ലാത്തതും ഡോക്ടര്മാരുടെയും അവശ്യ മരുന്നുകളുടെയും ലഭ്യത കുറവും മരണനിരക്ക് ഉയരാന് കാരണമായെന്നാണ് റിപ്പോര്ട്ട്.
കഴിഞ്ഞ നാലുമാസത്തിനിടെ 39,785 കുട്ടികളെയാണു ചികിത്സയ്ക്കായി ജില്ലയിലെ വിവിധ ആശുപത്രികളിലും ക്ലിനിക്കുകളിലും പ്രവേശിപ്പിച്ചത്. ഇവരില് 4,123 കുട്ടികളെ ആശുപത്രിയില് അഡ്മിറ്റ് ചെയ്തു. 162 കുട്ടികളും ആശുപത്രിയില് ചികിത്സയിലിരിക്കെയാണ് മരിച്ചതെന്നും ജില്ല മെഡിക്കല് ഓഫീസര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
