ദക്ഷിണേന്ത്യൻ സിനിമയിലെ മുതിർന്ന നടി സൗകാർ ജാനകി (94) അന്തരിച്ചു. ഇന്നലെ ഉച്ചയ്ക്ക് രണ്ടോടെ ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം സംഭവിച്ചത്.

തേനാംപേട്ടിൽ പൊതുദർശനത്തിന് വച്ച ഭൗതിക ശരീരത്തിൽ സിനിമാ പ്രവർത്തകരുൾപ്പടെയുള്ള പ്രമുഖർ അന്ത്യോപചാരമർപ്പിച്ചു. 2022ൽ പത്മശ്രീ നൽകി രാജ്യം ആദരിക്കുകയും ചെയ്തു .പതിറ്റാണ്ടുകൾ നീണ്ട അഭിനയ ജീവിതത്തിൽ തമിഴ്, തെലുങ്ക്, കന്നഡ, മലയാളം സിനിമകളിൽ വൈവിധ്യമാർന്ന വേഷങ്ങൾ ചെയ്തു.1950ൽ പുറത്തിറങ്ങിയ 'സൗകാർ' എന്ന തെലുങ്ക് ചിത്രത്തിലെ നായിക കഥാപാത്രമായ സുബ്ബ്ലുവിലൂടെ ശ്രദ്ധേയയായി.

തുടർന്ന്'സൗകാർ ജാനകി' എന്ന് അറിയപ്പെടുകയായിരുന്നു. ആദ്യചിത്രത്തിൽ എൻ.ടി.രാമറാവു ആയിരുന്നു നായകൻ.1964ൽ പുറത്തിറങ്ങിയ 'സ്‌കൂൾ മാസ്റ്റർ' എന്ന ചിത്രത്തിലൂടെയാണ് മലയാളത്തിലെത്തിയത്.

'സൂര്യമാനസ'ത്തിൽ മമ്മൂട്ടിയുടെ പുട്ടുറുമീസ് എന്ന കഥാപാത്രത്തിന്റെ അമ്മയായി. പപ്പു എന്ന ചിത്രത്തിലും ശ്രദ്ധേയമായ വേഷം ചെയ്തു.