വീണ്ടും ഇന്ത്യൻ പ്രധാനമന്ത്രി നരേന്ദ്ര മോദിയുടെ ഇൻസ്റ്റഗ്രാം വീഡിയോ . സാധാരണ അദ്ദേഹം രാത്രിയാണ് വീഡിയോ പോസ്റ്റ് ചെയ്യാറുള്ളതെങ്കിൽ ഇത്തവണ വീഡിയോ പകൽ സമയത്താണ് പോസ്റ്റ് ചെയ്തിരിക്കുന്നത്. ആഗോള പ്രതിസന്ധികൾക്കിടയിലും രാജ്യം കൈവരിച്ച 7.8% സാമ്പത്തിക വളർച്ച കൂട്ടായ കരുത്തിന്റെയും കഠിനാധ്വാനത്തിന്റെയും പ്രതിഫലനമാണെന്ന് പ്രധാനമന്ത്രി നരേന്ദ്ര മോദി. ഇൻസ്റ്റഗ്രാമിലൂടെ രാജ്യത്തെ അഭിസംബോധന ചെയ്യവെ ആയിരുന്നു അദ്ദേഹത്തിന്റെ പ്രതികരണം.

രാജ്യത്ത് നുണകൾ പരത്തി (ജൂട്ട് കി ഗൂഞ്ച്) നിരാശ പടർത്താൻ പ്രതിപക്ഷം ശ്രമിക്കുകയാണെന്ന് മോദി കുറ്റപ്പെടുത്തി.വിദേശയാത്രകളും വിദേശങ്ങളിലെ ആഡംബര വിവാഹങ്ങളും അനാവശ്യമായ സ്വർണം വാങ്ങലുകളും വെട്ടിക്കുറച്ച് സമ്പൂർണ സ്വദേശി മന്ത്രം മുറുകെപ്പിടിക്കാൻ പ്രധാനമന്ത്രി ജനങ്ങളോട് ആഹ്വാനം ചെയ്തു.വിനാശം പ്രവചിച്ചവർ തോറ്റമ്പിയെന്നും ഇന്ത്യ വീണ്ടും തഴച്ചുവളരുകയാണെന്നും ഇന്ത്യയുടെ 7.8% ജിഡിപി വളർച്ചയെ ചൂണ്ടിക്കാട്ടിയുള്ള ‘സെൽഫി വിഡിയോ’യിൽ മോദി പറഞ്ഞു. ആത്മനിർഭരത (സ്വയംപര്യാപ്തത) പ്രോത്സാഹിപ്പിക്കണമെന്നും പരമാവധി സ്വദേശി ഉൽപന്നങ്ങൾ വാങ്ങണമെന്നും മോദി പറഞ്ഞു.

ഇതിനിടെ, സ്വർണം വാങ്ങുന്നത് ഒഴിവാക്കണമെന്ന ആഹ്വാനമാണ് ഏറെ ശ്രദ്ധ നേടുന്നത് . ഇതിന് മുൻപും സ്വർണത്തിന് റെക്കോർഡ് വില കുതിച്ചുയർന്ന സമയത്തും സ്വർണംഇപ്പോൾ വാങ്ങുന്നത് ഇപ്പോൾ ഒഴിവാക്കണം എന്ന് മോദി പറഞ്ഞിരുന്നു . ഇന്നിപ്പോൾ വീണ്ടും അതാവർത്തിക്കുകയാണ് പ്രധാനമന്ത്രി .‘‘വിദേശ യാത്ര ആനന്ദത്തിന് വേണ്ടിയാണെങ്കിൽ നിങ്ങൾ പോകരുത്. വിദേശത്ത് കല്യാണം കഴിക്കാനാണ് തീരുമാനമെങ്കിൽ അതുമൊഴിവാക്കണം. ഇനി, അത്യാവശ്യമില്ലെങ്കിൽ നിങ്ങൾ സ്വർണവും വാങ്ങരുത്’’, മോദി വിഡിയോയിൽ പറഞ്ഞു.

ഇക്കാര്യങ്ങൾ മുറുകെപ്പിടിച്ചാൽ സ്വാതന്ത്ര്യത്തിന്റെ 100-ാം വർഷത്തോടെ നമ്മുടെ യുവതലമുറയ്ക്ക് വികസിത ഇന്ത്യയെ സമ്മാനിക്കാൻ നമുക്ക് കഴിയുമെന്നും മോദി പറഞ്ഞു. മോദി നിലവിൽ ഷാങ്ഹായ് സഹകരണ ഓർഗനൈസേഷൻ (എസ്‍സിഒ) ഉച്ചകോടിയിൽ പങ്കെടുക്കാനായി കിർഗിസ്ഥാനിലാണുള്ളത്.നിങ്ങൾ ഉല്ലാസയാത്രയ്ക്ക് പോകുന്നെങ്കിൽ ഇന്ത്യയിലെ സ്ഥലങ്ങളിലേക്കുതന്നെ പോവുക. കല്യാണത്തിന് തിരഞ്ഞെടുക്കുന്നതും ഇന്ത്യയിലെ സ്ഥലങ്ങൾ തന്നെയാകട്ടെ. ‘കല്യാണം ഇന്ത്യയിൽ തന്നെ’ എന്ന മന്ത്രം മുറുകെപ്പിടിക്കണമെന്നും മോദി അഭിപ്രായപ്പെട്ടു.