നിര്ഭാഗ്യവശാല് പറഞ്ഞുറപ്പിച്ച ദിവസം എനിക്കവിടെ എത്തിച്ചേരാനാകില്ല; ഓസ്ട്രേലിയന് യാത്ര മാറ്റിവച്ച് മമിത
കടുത്ത പനിയും ശരീരവേദനയും കാരണം നടി മമിത ബൈജു ഓസ്ട്രേലിയന് യാത്ര മാറ്റിവച്ചു. ക്ലൈഡ് മലയാളി സംഘടപ്പിക്കുന്ന ഓണ പരിപാടിയില് മമിതയായിരുന്നു മുഖ്യാതിഥിയായി പങ്കെടുക്കേണ്ടിയിരുന്നത്. വീഡിയോ സന്ദേശത്തിലൂടെ തന്റെ ആരോഗ്യവസ്ഥ പറഞ്ഞുകൊണ്ട് വരാന് പറ്റാത്തതില് മാപ്പ് പറയുന്ന മമിതയുടെ വീഡിയോ ക്ലൈഡ് മലയാളി സോഷ്യല് മീഡിയയില് പങ്കുവച്ചു.
'നിര്ഭാഗ്യവശാല് പറഞ്ഞുറപ്പിച്ച ദിവസം എനിക്കവിടെ എത്തിച്ചേരാനാകില്ല. ഞാനിപ്പോള് ആശുപത്രിയില് ചികിത്സയിലാണ്. എന്തെങ്കിലും വഴിയുണ്ടായിരുന്നെങ്കില് ഞാന് വരുമായിരുന്നു. പക്ഷെ ഡോക്ടര്മാര് പൂര്ണമായും വിശ്രമം നിര്ദേശിച്ചിരിക്കുകയാണ്' മമിത വീഡിയോയില് പറഞ്ഞു.
കടുത്ത പനിയും ശരീരവേദനയും അലര്ജിയും ആസ്മാറ്റിക്കും ആയതിനാല് ഒരുകാരണവശാലും യാത്ര വേണ്ടെന്നാണ് ഡോക്ടര്മാരുടെ നിര്ദേശം. ഓസ്ട്രേലിയന് സന്ദര്ശനം ഒഴിവാക്കേണ്ടിവന്നത് തനിക്ക് വലിയ നഷ്ടമായിപ്പോയെന്നും നടി പറഞ്ഞു. ക്ലൈഡ് കുടുംബത്തിലേക്ക് വരാന് ആഗ്രഹമുണ്ട്. എല്ലാവരോടും ക്ഷമ ചോദിക്കുന്നു. ഇങ്ങനെയൊരു അവസ്ഥ ആയതിനാലാണ്. മറ്റൊരു അവസരത്തില് ഓസ്ട്രേലിയന് യാത്ര നടക്കുമെന്ന് പ്രതീക്ഷിക്കുന്നതായും മമിത ബൈജു വ്യക്തമാക്കി.
അതേസമയം, മമിത നായികയായെത്തിയ 'ബെത്ലഹേം കുടുംബ യൂണിറ്റ്' തീയറ്ററുകളില് സൂപ്പര്ഹിറ്റ് ആയി മുന്നേറുകയാണ്. 200 കോടി ക്ലബ്ബില് ഇടംനേടിയ ചിത്രം ഇതിനകം 203 കോടി നേടിയെന്നാണ് റിപ്പോര്ട്ട്.
https://www.facebook.com/Malayalivartha
