ആരെങ്കിലും സ്ത്രീകളെ അപമാനിക്കുകയോ കൊലപാതകം നടത്താന്‍ ശ്രമിക്കുകയോ ചെയ്താല്‍ ജനങ്ങള്‍ക്ക് നിയമംകയ്യിലെടുക്കാന്‍ അവകാശമുണ്ടെന്ന് ഹരിയാന ഡി.ജി.പി ഡോ.കെ.പി സിങ്ങ് ഐ.പി.എസ്. ഒരാളുടെ വീടിന് തീവെക്കുന്നത് കാണുകയാണെങ്കില്‍ ആ ക്രിമിനലിനെ കൊല്ലുന്നത് പോലും തെറ്റല്ലെന്നും ഡി.ജി.പി പറഞ്ഞു. ഡി.ജി.പി യുടെ വിവാദ വീഡിയോ ട്വിറ്ററിലൂടെ പുറത്ത് വന്നതോടെ വിമര്‍ശിച്ചും അനുകൂലിച്ചുകൊണ്ടും വലിയ പ്രതികരണമാണ് ലഭിക്കുന്നത്. 

ഹരിയാനയില്‍ നടന്ന ഒരു പൊതുചടങ്ങിനിടെയാണ് ഡി.ജി.പി ഇത്തരമൊരു വിവാദ പ്രസ്താവന നടത്തിയത്. വിവാഹ ചടങ്ങിനിടെ കഴിഞ്ഞ ദിവസം ഹരിയാനയില്‍ ഒരു പെണ്‍കുട്ടിയെ ഒരു കൂട്ടം പുരുഷന്മാന്‍ അപമാനിച്ചിരുന്നു. ഇതിന്റെ പശ്ചാത്തലത്തിലാണ് ഡി.ജി.പി ഇത്തരമൊരു പ്രസ്താവന നടത്തിയതെന്നാണ് കരുതുന്നത്. 

ഡി.ജി.പി.യെ ബോളിവുഡ് സിനിമകള്‍ സ്വാധീനിച്ചതിന്റെ ഫലമായിട്ടാണ് ജനങ്ങളെ അക്രമത്തിലേക്ക് നയിക്കുന്ന പ്രസ്താവന നടത്തിയതെന്നും ഇദ്ദേഹത്തിനെതിരെ ഉടന്‍ നടപടിയെടുക്കണമെന്നും ട്വിറ്റര്‍ കമന്റുകളിലൂടെ നിരവധി പേര്‍ ആവശ്യപ്പെടുന്നുണ്ട്. എന്നാല്‍ ഡി.ജി.പി പറഞ്ഞത് പൂര്‍ണമായും ശരിയാണെന്ന് പറഞ്ഞ് ഡി.ജി.പിയെ അഭിനന്ദിക്കുന്ന കമന്റുകളും ഏറെയാണ്. എന്നാല്‍ സംഭവത്തെ പറ്റി ഔദ്യോഗിക പ്രതികരണമൊന്നും വന്നിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha