തേജ്‌പാലിനെ നാലു ദിവസം കൂടി പോലീസ് കസ്റ്റഡിയില്‍ വിട്ടു; കൂടുതല്‍ ചോദ്യം ചെയ്യലിനും തെളിവെടുപ്പിനും കസ്റ്റഡി നീട്ടണമെന്ന്‌ പോലീസ് ആവശ്യപ്പെട്ടു
തരുണ്‍ തേജ്‌പാലിനെ നാലു ദിവസം കൂടി പോലീസ് കസ്റ്റഡിയില്‍ വിട്ടു. നേരത്തെ ആറു ദിവസത്തേക്ക്‌ തേജ്‌പാലിനെ പോലീസ് കസ്റ്റഡിയില്‍ വിട്ടിരുന്നു. ഈ കാലാവധി അവസാനിച്ചതിനെ തുടര്ന്ന് തേജ്‌പാലിന്റെ കസ്റ്റഡി കാലാവധി നീട്ടണമെന്ന്‌ ആവശ്യപ്പെട്ട്‌ പോലീസ് കോടതിയെ സമീപിക്കുകയായിരുന്നു. കൂടുതല്‍ ചോദ്യം ചെയ്യലിനും തെളിവെടുപ്പിനും വേണ്ടിയാണ്‌ പോലീസ് കസ്റ്റഡി നീട്ടണമെന്ന്‌ ആവശ്യപ്പെട്ടത്‌. നേരത്തെ സംഭവം നടന്ന ഗോവയിലെ ഹോട്ടലില്‍ ഉള്‍പ്പെടെ തേജ്‌പാലിനെ എത്തിച്ച്‌ പോലീസ് തെളിവെടുത്തിരുന്നു.
ലൈംഗികാരോപണക്കേസില്‍ പരാതിക്കാരിയായ പത്രപ്രവര്‍ത്തകയുടെ മൂന്ന്‌ സഹപ്രവര്‍ത്തകര്‍ കഴിഞ്ഞ ദിവസം പനാജി ചീഫ്‌ ജുഡീഷ്യല്‍ മജിസ്‌ട്രേറ്റിനു മുന്നില്‍ മൊഴി നല്‍കി.
തരുണ്‍ തന്നെ അപമാനിക്കാന്‍ ശ്രമിച്ചെന്ന് കാണിച്ച് ജൂനിയര്‍ മാധ്യമപ്രവര്‍ത്തക രംഗത്തെത്തുകയായിരുന്നു. തെഹല്‍ക്ക സംഘടിപ്പിച്ച തിങ്ക്‌ഫെസ്റ്റിനിടെയാണ് തനിക്കെതിരെ രണ്ട് തവണ ലിഫ്റ്റില്‍ വെച്ച് മാനഭംഗശ്രമമുണ്ടായെന്ന് മാധ്യമപ്രവര്‍ത്തക വെളിപ്പെടുത്തിയത്.
നവംബര്‍ ഏഴ്, എട്ട് തിയതികളിലാണ് വിവാദമായ മാനഭംഗശ്രമമുണ്ടായത്. സംഭവത്തില്‍ തനിക്ക് തെറ്റുപറ്റിയതായി സമ്മതിച്ച തേജ്പാല്‍ ഖേദം പ്രകടിപ്പിക്കുകയും ചെയ്തിരുന്നു കുറഞ്ഞത് പത്തുവര്‍ഷവും പരമാവധി ജീവപര്യന്തവും തടവുശിക്ഷ ലഭിക്കാവുന്ന കുറ്റങ്ങളാണ് തേജ്പാലിനെതിരെ പോലീസ് ചുമത്തിയിരിക്കുന്നത്.
https://www.facebook.com/Malayalivartha
