തനിച്ച് കുട്ടികളെ വളര്‍ത്തുന്ന അമ്മമാര്‍ക്കു വേണ്ടി വാദിച്ച് മനേക ഗാന്ധി, ഇവര്‍ക്കായി പാസ്‌പോര്‍ട്ട് വ്യവസ്ഥകളില്‍ മാറ്റം വേണമെന്ന് വനിതശിശു ക്ഷേമകാര്യ മന്ത്രി മനേക ഗാന്ധി ആവശ്യപ്പെട്ടു. ഇങ്ങനെ വളര്‍ന്നു വരുന്ന കുട്ടികളുടെ കാര്യത്തില്‍ പിതാവിന്റെ പേര് നിര്‍ബന്ധമാകുന്ന പാസ്‌പോര്‍ട്ട് നിയമം ഭേദ്ദഗതി ചെയ്യണമെന്ന് മനേക വിദേശകാര്യ മന്ത്രി സുഷമ സ്വരാജിനോട് അവശ്യപ്പെട്ടു.
ഡല്‍ഹിയില്‍ നിന്നുള്ള പ്രിയങ്ക ഗുപ്തയാണ് വിഷയത്തില്‍ ആദ്യം പരാതിയുമായി രംഗത്തെത്തിയത്. ഭര്‍ത്താവ് ഉപേക്ഷിച്ച പ്രിയങ്കയുടെ മകളുടെ പാസ്‌പോര്‍ട്ടില്‍ പിതാവിന്റെ പേര് ഉള്‍പ്പെടുത്തണമെന്ന് അധികൃതര്‍ നിര്‍ബന്ധം പിടിച്ചതോടെയാണ് പ്രിയങ്ക പരാതിയുമായി വന്നത്. കോടതി പിതാവിന്റെ പേര് രേഖകളില്‍ നിര്‍ബന്ധമല്ലെന്നും ഉത്തരവിട്ടുണ്ട്, എന്നാല്‍ ഈ കാര്യം പാസ്‌പോര്‍ട്ട് ഓഫീസറെ മനസ്സിലാക്കാന്‍ ശ്രമിച്ചുവെന്നും. പിന്നീട് മുതിര്‍ന്ന ഉദ്യോഗസ്ഥര്‍ക്ക് കത്തയച്ചുവെന്നും. എന്നാല്‍ ആരും തന്റെ അപേക്ഷകള്‍ ചെവിക്കൊണ്ടില്ലെന്നും. ഒടുവില്‍ തങ്ങളെ ഉപേക്ഷിച്ച് പോയ ഭര്‍ത്താവിന്റെ പേര് പാസ്‌പോര്‍ട്ടില്‍ ഉള്‍പ്പെടുത്താന്‍ നിര്‍ബന്ധിതരായി എന്നും പ്രിയങ്ക പറഞ്ഞു.
പരാതി ലഭിച്ച മനേക, നിലവിലെ പാസ്‌പോര്‍ട്ട് വ്യവസ്ഥകള്‍ പ്രകാരം അച്ഛന്റെ പേര് രേഖപ്പെടുത്തല്‍ ഒരു നിര്‍ബന്ധിത ആവശ്യമാണെന്നും അമ്മയും, മകളും അച്ഛന്റെ പേര് രേഖയില്‍ ഉള്‍പ്പെടുത്താന്‍ തയ്യാറല്ലെങ്കില്‍ അത് വേണ്ടെന്ന് 2016ല്‍ ഡല്‍ഹി ഹൈക്കോടതി ഉത്തരവിട്ടതാണെന്നും. ഒറ്റക്ക് കുട്ടികളെ വളര്‍ത്തുന്ന അമ്മമാരുടെ എണ്ണം രാജ്യത്ത് വര്‍ധിച്ചു വരുകയാണെന്നും. അതിനാല്‍ വിദേശകാര്യ മന്ത്രിയോട് പാസ്‌പോര്‍ട്ട് വ്യവസ്ഥകള്‍ അടിയന്തിരമായി പുനപരിശോധിക്കണമെന്ന് ആവശ്യപ്പെടുന്നുവെന്നും മനേക പറഞ്ഞു.