സർക്കാർ സാമ്പത്തിക സഹായമായ 30 കോടി രൂപ വൈകിയതിനാൽ കെ.എസ്.ആർ.ടി.സിയിൽ ശമ്പള വിതരണം മുടങ്ങി. തുക തിങ്കളാഴ്ച വൈകിട്ടോടെ സർക്കാർ അനുവദിച്ചേക്കും. ഇത് കിട്ടിയാലുടൻ ശമ്പള വിതരണം ആരംഭിക്കുമെന്ന് അധികൃതർ .

ശമ്പളം നൽകുന്നതിനായി മാനേജ്‌മെന്റ് എസ്.ബി.ഐയിൽ നിന്നും 50 കോടി രൂപ ഓവർഡ്രാഫ്റ്റ് എടുത്തിട്ടുണ്ട്. 80 കോടിയാണ് വേണ്ടത്.
ശമ്പളം രണ്ടു ഗഡുക്കളായി നൽകുന്നത് അവസാനിപ്പിച്ച 2025 മാർച്ച് മുതൽ എല്ലാ മാസവും ഒന്നിന് തന്നെ ശമ്പളം നൽകിയിരുന്നു.

. ഇത്തവണ വൈകിയതോടെ ജീവനക്കാർ പ്രതിഷേധത്തിലാണ്. സർക്കാരിന്റെ കാലാവധി തീർന്നതോടെ കെ.എസ്.ആർ.ടി.സി ജീവനക്കാരെ കൈവിട്ടെന്നാണ് ആക്ഷേപമുള്ളത്. എന്നാൽ സർക്കാർ സഹായം അനുവദിക്കുന്നതിൽ കാലതാമസമുണ്ടായത്‌ മേയ് ഒന്ന് അവധിയായതിനാലാണെന്ന് അധികൃതർ . ശനിയാഴ്ച ഒരു പ്രവൃത്തി ദിനം മാത്രമാണ് ലഭിച്ചത്. ഞായർ അവധിയും. ഇന്ന് നടപടികൾ പൂർത്തിയാക്കി പരമാവധി വേഗത്തിൽ ശമ്പളം നൽകാനുള്ള നീക്കത്തിലാണെന്ന് അധികൃതർ.