വ്യാജമദ്യ പ്രശനം രൂക്ഷമായ ഉത്തര്‍പ്രദേശില്‍ വിവാഹ സല്‍ക്കാരത്തിനിടെ നല്‍കിയ വിഷമദ്യം കഴിച്ച് 17 പേര്‍ മരിച്ചു, 14 പേരെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. ഉത്തര്‍പ്രദേശില്‍ അലിഗഞജ് ഗ്രാമത്തില്‍ നടന്ന വിവാഹ സല്‍ക്കാരത്തിനിടെയാണ് വിഷമദ്യ ദുരന്തം നടന്നത്. മദ്യം കഴിച്ച അഞ്ചു പേരുടെ കാഴ്ച്ച ശക്തിയും നഷ്ടമായി, മരണ സംഖ്യ വര്‍ധിച്ചേക്കുമെന്നു റിപ്പോര്‍ട്ടുകള്‍.

ഉത്തര്‍പ്രദേശിലെ ഇട്ട ജില്ലയിലെ അലിഗഞ്ജ് പ്രദേശത്ത് അനധികൃതമായി പ്രവര്‍ത്തിച്ചിരുന്ന മദ്യശാലയില്‍ നിന്നും ഇന്നലെ വൈകുന്നേരം മദ്യപിച്ചവരാണ് അപകടത്തില്‍ പെട്ടത്. അലിഗഞ്ചിലെ ലുഹാരി ദര്‍വാസയിലും സമീപ പ്രദേശമായ ലൗഖേരാ ഗ്രാമത്തിലുമാണ് ദുരന്തമുണ്ടായത്. വിഷമദ്യ ദുരന്തത്തില്‍ മരിച്ച പതിനേഴു പേരില്‍ മരിച്ച അഞ്ചുപേര്‍ സര്‍ക്കാര്‍ ഉദ്യോഗസ്ഥരാണ്. ചികിത്സയില്‍ കഴിയുന്ന അഞ്ചു പേരുടെ കാഴ്ച ശക്തിയാണ് നഷ്ടമായത്.സംഭവത്തെ തുടര്‍ന്നു പ്രകോപിതരായ ജനക്കൂട്ടം മൃതദേഹവുമായി ഇറ്റാ-ഫാറൂഖ്ബാദ് റോഡ് ഉപരോധിച്ചു.പ്രധിഷേധം ശക്തമായ സാഹചര്യത്തില്‍ മൂന്നു എക്‌സൈസ് ജീവനക്കാരുള്‍പ്പെടെ അഞ്ച് ഗവണ്‍മെന്റ് ഉദ്യോഗസ്ഥരെ പിരിച്ചുവിടുകയുംസംഭവത്തില്‍ കൂടുതല്‍ അന്വേഷണത്തിനും ഉത്തരവിട്ടിട്ടുണ്ട്. 

ദുരന്തത്തെ തുടര്‍ന്നു ഒരാളെ അറസ്റ്റു ചെയ്തതായും, മരിച്ചവരുടെ കുടുംബാംഗങ്ങള്‍ക്ക് രണ്ടു ലക്ഷം രൂപ നഷ്ടപരിഹാരം നല്‍കുമെന്ന് ജില്ലാ മജിസ്ട്രേറ്റ് അജയ് യാദവ് അറിയിച്ചു.