ബിഹാറിലെ ഔറംഗബാദ് ജില്ലയില്‍ ട്രക്ക് നിയന്ത്രണം വിട്ട് മറിഞ്ഞ് 25 പേര്‍ മരിച്ചു. പത്തുപേര്‍ക്ക് ഗുരുതരമായി പരിക്കേറ്റു. ടിതായി ബിഗാ ഗ്രാമത്തില്‍ രാവിലെയാണ് അപകടം നടന്നത്. മരിച്ചവരെല്ലാം കര്‍ഷകത്തൊഴിലാളികളാണ്. ട്രക്കില്‍ 35 പേരുണ്ടായിരുന്നു. ഔറംഗബാദില്‍ നിന്ന് കൃഷിപ്പണി കഴിഞ്ഞ് സ്വന്തം ഗ്രാമമായ ലെസീഗഞ്ജിലേക്ക് മടങ്ങവെയാണ് ദുരന്തമുണ്ടായത്. അമിതവേഗത്തിലായിരുന്ന ട്രക്ക് നിയന്ത്രണം വിട്ട് മറിയുകയായിരുന്നു.