ഗീതാ ഗോപിനാഥിനെ ആരോപണ മുനയില് നിര്ത്തിയ ബിജു പ്രഭാകറിന് പണി കിട്ടി
മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥിന്റെ പിതാവ് നടത്തുന്ന കമ്പനിയില് നിന്നും ഹോര്ട്ടികോര്പ്പ് പച്ചക്കറി വാങ്ങുന്നു എന്ന വിവരം പുറത്തുവിട്ട മുന് ക്യഷി ഡയറക്ടര് ബിജു പ്രഭാകറിന് പകരം നിയമനം നല്കാന് സര്ക്കാരിന് മടി. ബിജുവിനൊപ്പം പുറത്തായ രാജു നാരായണസ്വാമിക്ക് സര്ക്കാര് പകരം നിയമനം നല്കി.
ഐ.എ.എസിന്റെ അഹങ്കാരത്തില് സകലതും കൈപ്പിടിയിലാക്കാന് ശ്രമിച്ചതാണ് ബിജു പ്രഭാകറിന് സംഭവിച്ച അബദ്ധം. ബിജു പ്രഭാകര് സംസ്ഥാനത്തെ ഏറ്റവും മികച്ച ഐ.എ.എസ് ഉദ്യോഗസ്ഥനാണെന്നാണ് അദ്ദേഹത്തിന്റെ ഭാവം. ധനമന്ത്രിയായിരുന്ന കെ.എം.മാണി നടപ്പിലാക്കിയ കാരുണ്യ ഭാഗ്യക്കുറി പോലും താന് നടപ്പിലാക്കിയതാണെന്നാണ് ബിജു പ്രഭാകര് പത്രത്തില് എഴുതിയത്. മന്ത്രിമാര് വിഭാവനം ചെയ്യുന്ന പദ്ധതികള് അതത് കാലത്ത് വകുപ്പ് തലവന്മാരായിരിക്കുന്നവരാണ് നടപ്പിലാക്കുന്നത്. അത് അവരുടെ ചുമതലയും ഉത്തരവാദിത്വവുമാണ്.
സ്വന്തം കെട്ടിടം ട്രഷറി വകുപ്പിനു ലക്ഷങ്ങള്ക്ക് വാടകക്ക് കൊടുത്താണ് ഒടുവില് ബിജു പ്രഭാകര് പുലിവാല് പിടിച്ചത്. കെട്ടിടം തൈക്കാടാണുള്ളത്. പണ്ട് ഇവിടം ലോഡ് ജായിരുന്നു . ലോഡ്ജ് മുതലാകില്ലെന്നു കണ്ടപ്പോഴാണ് വാടകക്ക് കൊടുക്കാന് ആരംഭിച്ചത്. ബിജുവിന്റെ ഭാര്യയുടെ പേരിലുള്ളതാണ് കെട്ടിടം.
സ്വന്തം കെട്ടിടം സാധാരണ ആരും സര്ക്കാര് സ്ഥാപനങ്ങള്ക്ക് വാടകയ്ക്ക് കൊടുക്കാറില്ല. വാടകക്ക് കൊടുത്താന് ആരോപണം വരുമെന്നു കരുതിയാണ് അങ്ങനെ ചെയ്യാത്തത്. പ്രത്യേകിച്ച് ഉന്നതരായ ഉദ്യോഗസ്ഥര് .
കെട്ടിടം വാടകക്ക് നല്കിയെന്നു മാത്രമല്ല അതിനെ സാധൂകരിക്കുന്ന തരത്തില് ബിജു പ്രഭാകര് പ്രസ്താവനയും ഇറക്കി. അദ്ദേഹത്തിന്റെ പ്രസ്താവന കണ്ടാല് സ്വന്തം കെട്ടിടം വഴി ട്രഷറി വകുപ്പ് നേട്ടമുണ്ടാക്കിയെന്നാണ്. കൃഷി വകുപ്പ് ഡയറക്ടര് സ്ഥാനത്ത് നിന്നും മാറ്റിയ ബിജുവിന് സര്ക്കാര് പകരം നിയമനം നല്കിയിട്ടില്ല. സ്വാമിക്ക് ഉദ്യോഗസ്ഥഭരണപരിഷ്ക്കാരവകുപ്പിന്റെ ചുമതല നല്കി. സ്വാമിയെ സംബന്ധിച്ചടത്തോളം ഒരു ജോലിയുമില്ലാത്ത വകുപ്പാണ് ഇത്. ബിജു പ്രഭാകറിന്റെ നിയമന വിഷയം ചര്ച്ചക്കു വന്നപ്പോള് തത്കാലം വേണ്ടെന്ന നിലപാടാണ് മുഖ്യമന്ത്രിയും മന്ത്രിമാരും സ്വീകരിച്ചത്.
ബിജുവിന് പകരം നിയമനം ഉടന് നല്കേണ്ടതില്ലെന്ന നിലപാടിലാണ് സര്ക്കാര്. ഉയര്ന്ന ഉദ്യോഗസ്ഥനായ സ്വാമിയോട് മോശമായി പെരുമാറി എന്ന തോന്നല് സര്ക്കാരിനുണ്ട്. മന്ത്രിമാരുമായി ബന്ധപ്പെട്ട ക്രമക്കേടുകള് പത്രകാര്ക്ക് നല്കിയത് ബിജുവാണെന്നും സര്ക്കാര് കരുതുന്നു.
https://www.facebook.com/Malayalivartha
