ലോകം പിടിച്ചടക്കാന്‍ വിശുദ്ധ പോരാട്ടത്തിനിറങ്ങുന്ന ഐഎസ് പോരാളികള്‍ക്കു മലയാളി പെണ്‍കുട്ടികളെ ലൈംഗിക അടിമകളാക്കാന്‍ റിക്രൂട്ട്മെന്റ് നടത്താന്‍ ഐഎസിന്റെ ഇന്ത്യയിലെ സ്ലീപ്പര്‍ സെല്‍. അഫ്ഗാനിസ്ഥാനിലും, യമനിലേയ്ക്കും കടന്ന മലയാളികള്‍ അടക്കമുള്ളവരാണ് മലയാളി പെണ്‍കുട്ടികളെ റിക്രൂട്ട് ചെയ്യുന്നതിനു പിന്നില്‍ പ്രവര്‍ത്തിക്കുന്നതെന്നാണ് സൂചന. മലയാളി പെണ്‍കുട്ടികളെ ഐഎസിന്റെ ലൈംഗിക അടിമകളായി റിക്രൂട്ട് ചെയ്യണമെന്നാവശ്യപ്പെട്ടു ഐഎസ് ദക്ഷിണേന്ത്യന്‍ വാട്‌സ് അപ്പ് ഗ്രൂപ്പിലാണ് ഇതു സംബന്ധിച്ചുള്ള സന്ദേശം കണ്ടെത്തിയത്. 

വാട്‌സ് അപ് സന്ദേശത്തിന്റെ ഉള്ളടക്കം അടക്കം കേന്ദ്ര ഇന്റലിജന്‍സ് ബ്യൂറോയ്ക്കു ലഭിച്ചിട്ടുണ്ടെന്നാണ് സൂചന. വിദേശ രാജ്യത്തുള്ള ഒരു മലയാളിയാണ് ഇതു സംബന്ധിച്ചുള്ള വിശദാംശങ്ങള്‍ ഈ വാട്‌സ് അപ്പ്ഗ്രൂപ്പില്‍ പോസ്റ്റ് ചെയ്തത്. ലൗ ജിഹാദിന്റെ പേരില്‍ പെണ്‍കുട്ടികളെ മതംമാറ്റുന്ന സംഭവങ്ങള്‍ കേരളത്തില്‍ കോടതികയറുന്നതിനിടെയാണ് ഇപ്പോള്‍ ഐഎസിലേയ്ക്കു മലയാളികളെ എത്തിക്കണമെന്നുള്ള പോസ്റ്റുകളുമായി വാട്‌സ് അപ്പ് സന്ദേശം പ്രചരിച്ചത്. കേരളത്തില്‍ നിന്നുള്ള ആയിരം പെണ്‍കുട്ടികളെ സിറിയയിലും യമനിലും നടക്കുന്ന ജിഹാദി പോരാട്ടങ്ങള്‍ക്കായി വിട്ടു നല്‍കണമെന്ന നിര്‍ദേശമാണ് ഈ വാട്‌സ് അപ്പ് ഗ്രൂപ്പുകളില്‍ പ്രചരിക്കുന്നത്.

പ്രണയക്കെണിയില്‍ പെണ്‍കുട്ടികളെ പെടുത്തി, മതംമാറ്റിയ ശേഷം ഇവരെ മതപഠനത്തിനെന്ന പേരില്‍ സിറിയയിലേയ്ക്കും, അഫ്ഗാനിസ്ഥാനിലേയ്ക്കും യമനിലേയ്ക്കും കയറ്റിയയക്കണമെന്ന നിര്‍ദേശമാണ് ഇപ്പോള്‍ സോഷ്യല്‍ മീഡിയയില്‍ ഇപ്പോള്‍ പ്രചരിക്കുന്നത്. മലപ്പുറത്തും, കായംകുളത്തും, മംഗലാപുരത്തും പ്രവര്‍ത്തിക്കുന്ന മതപരിവര്‍ത്തന കേന്ദ്രങ്ങളിലൂടെ പെണ്‍കുട്ടികളെ ഐഎസ് ക്യാംപിലെത്തിക്കുന്നതിനാണ് പദ്ധതി. 

ഇത്തരത്തില്‍ പെണ്‍കുട്ടികളെ എത്തിക്കുമ്പോള്‍ മതപഠനകേന്ദ്രങ്ങളുടെ നടത്തിപ്പുകാര്‍ക്കു പോലും പലപ്പോഴും മതംമാറ്റുന്ന പെണ്‍കുട്ടികളെ ഐഎസിന്റെ ഭാഗമാക്കാന്‍ പോകുകയാണെന്നു പലപ്പോഴും ഈ മതപഠന, മതപരിവര്‍ത്തന കേന്ദ്രങ്ങളിലെ ആളുകള്‍ക്കു പോലും മനസിലായിരുന്നില്ലെന്നതാണ് യാഥാര്‍ഥ്യം. ഐഎസിനും കേരളത്തിലെ തീവ്രവാദ പ്രസ്ഥാനങ്ങള്‍ക്കും, മുസ്ലീം തീവ്രവാദ സംഘടനകള്‍ക്കും പണം നല്‍കുന്ന വിദേശത്തുള്ള മുസ്ലീം യുവാവാണ് ഇപ്പോള്‍ ഐഎസിന്റെ കേരളത്തിലെ റിക്രൂട്ടിങ് ഏജന്റെന്നാണ് കൃത്യമായ സൂചന ലഭിച്ചിരിക്കുന്നത്.