ചരിത്രം കുറിച്ച് ഐഎസ്ആര്ഒ; ജിഎസ്എല്വി മാര്ക്ക് മൂന്ന് വിജയകരമായി വിക്ഷേപിച്ചു
ഇന്ത്യയുടെ ഭാരം കൂടിയ ഉപഗ്രഹമായ ജിഎസ്എല്വി മാര്ക്ക് മൂന്ന് ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തില് നിന്ന് വിജയകരമായി ഐഎസ്ആര്ഒ വിക്ഷേപിച്ചു. വാര്ത്താവിനിമയ ഉപഗ്രഹം, 3136 കിലോഗ്രാം ഭാരമുള്ള ജിസാറ്റ് 19നെയാണ് റോക്കറ്റ് ഭ്രമണപഥത്തിലെത്തിച്ചത്.
ദക്ഷിണേഷ്യന് ഉപഗ്രഹത്തിന്റെ വിജയകരമായ വിക്ഷേപണത്തിന് പിന്നാലെയാണ് ഐഎസ്ആര്ഒ കരുത്തേറിയ ജിഎസ്എല്വി മാര്ക്ക് മൂന്ന് വിക്ഷേപിച്ചത്. നാല് ടണ് ഭാരമുള്ള ഉപഗ്രഹങ്ങള് വരെ മാര്ക്ക് മൂന്നിന് ബഹിരാകാശത്ത് എത്തിയ്ക്കാനാകും. ആവശ്യമെങ്കില് പിന്നീട് ശേഷി വര്ധിപ്പിക്കുകയുമാകാം.
സിഇ 20 എന്ന ക്രയോജനിക് എന്ജിനാണ് വിക്ഷേപണത്തിന് ഉപയോഗിച്ചത്. ഇന്റര്നെറ്റ് വേഗത, ഡിറ്റിഎച്ച് ശേഷി എന്നിവ പതിന്മടങ്ങ് വര്ധിപ്പിയ്ക്കാന് ജിസാറ്റ് 19ന്റെ വിജയകരമായ വിക്ഷേപണത്തോടെ ആകും. ഇതേ ശ്രണിയില്പെട്ട രണ്ട് ഉപഗ്രഹങ്ങള് കൂടി ഈ വര്ഷം തന്നെ വിക്ഷേപിക്കുമെന്ന് ശാസ്ത്രജ്ഞര് അറിയിച്ചു.
https://www.facebook.com/Malayalivartha
