സെപ്റ്റിക് ടാങ്ക് വൃത്തിയാക്കാനിറങ്ങിയ നാല് ശുചീകരണത്തൊഴിലാളികള് വിഷവാതകം ശ്വസിച്ച് മരിച്ചു
സെപ്റ്റിക് ടാങ്ക് വൃത്തിയാക്കാനിറങ്ങിയ നാല് ശുചീകരണത്തൊഴിലാളികള് വിഷവാതകം ശ്വസിച്ച് മരിച്ചു. ഒരാള് ആശുപത്രിയില് ചികിത്സയിലാണ്.
ദക്ഷിണ ഡല്ഹിയില് ഗിറ്റോര്ണി മേഖലയിലാണ് ദുരന്തമുണ്ടായത്. ഛത്തര്പുര് അംബേദ്കാര് കോളനി നിവാസികളായ സ്വരണ്സിങ് (45), ദീപു (28), അനില്കുമാര്(23), ബല്വിന്ദര്(32) എന്നിവരാണ് മരിച്ചത്. സ്വരണ് സിങ്ങിന്റെ മകന് ജസ്പാല് ആണ് ചികിത്സയിലുള്ളത്.
ശനിയാഴ്ച രാവിലെ ജോലിക്കെത്തിയ ഇവര് സെപ്റ്റിങ്ക് ടാങ്കിലിറങ്ങി. ഏറെനേരം കഴിഞ്ഞിട്ടും ഇവര് പുറത്തേക്ക് വരാതിരുന്നതിനെത്തുടര്ന്ന് നാട്ടുകാര് പരിശോധിക്കുകയായിരുന്നു. തുടര്ന്നാണ്, അബോധാവസ്ഥയിലായ ഇവരെ കണ്ടെത്തിയത്.
അഗ്നിശമനസേനയെത്തി അഞ്ചുപേരെയും പുറത്തെടുത്തു. മൂന്നുപേരെ ഫോര്ട്ടിസ് ആസ്പത്രിയിലും ഒരാളെ എയിംസ് ട്രോമ സെന്ററിലും ഒരാളെ സഫ്ദര്ജങ് ആസ്പത്രിയിലും പ്രവേശിപ്പിച്ചു. ഫോര്ട്ടിസില് പ്രവേശിപ്പിക്കപ്പെട്ടവരില് ഒരാളൊഴികെ മറ്റു നാലുപേരും ആസ്പത്രിയിലെത്തുന്നതിനുമുമ്പേ മരിച്ചിരുന്നു.
https://www.facebook.com/Malayalivartha
