മായാവതി രാജ്യസഭാ എംപി സ്ഥാനം രാജിവച്ചു, ദളിതരുടെ വിഷയം സംസാരിക്കാന് അനുവദിക്കാത്തതിനാല് പ്രതിഷേധിച്ചാണ് രാജി
ബിഎസ്പി നേതാവ് മായാവതി എംപി സ്ഥാനം രാജിവച്ചു. ഉപരാഷ്ട്രപതി ഹാമീദ് അന്സാരിക്ക് രാജിക്കത്ത് കൈമാറി. യുപിയിലെ ഷഹറന്പുരില് ദലിതര്ക്കു നേരെ നടന്ന അക്രമം രാജ്യസഭയില് ചര്ച്ച ചെയ്യണമെന്ന് മായാവതി രാവിലെ ആവശ്യപ്പെട്ടിരുന്നു. എന്നാല്, അതിന് അനുമതി നിഷേധിച്ചതില് പ്രതിഷേധിച്ച് അവര് സഭയില്നിന്ന് ഇറങ്ങിപ്പോയിരുന്നു.
കാലാവധി പൂര്ത്തിയാക്കാന് ഒന്പതു മാസം ബാക്കിയുള്ളപ്പോഴാണ് മായാവതിയുടെ രാജി. സംസ്ഥാന രാഷ്ട്രീയത്തില് സജീവമാകാനാണ് മായാവതിയുടെ തീരുമാനമെന്നറിയുന്നു. യോഗി ആദിത്യനാഥിന്റെ നേതൃത്വത്തിലുള്ള ബിജെപി സര്ക്കാര് വലിയ ഭൂരിപക്ഷത്തില് ഉത്തര്പ്രദേശില് ഭരണം നേടിയതോടെ പ്രതിപക്ഷം സജീവമല്ലെന്ന് ആരോപണമുണ്ട്.
എന്നെ സംസാരിക്കാന് അനുവദിച്ചില്ലെങ്കില് ഇപ്പോള്ത്തന്നെ രാജിവയ്ക്കുമെന്ന് രാജ്യസഭയില്വച്ച് മായാവാതി പ്രഖ്യാപിച്ചിരുന്നു. ബിജെപി വര്ഗീയത വളര്ത്തുകയാണെന്ന് ആരോപിച്ചായിരുന്നു മായാവതിയുടെ പ്രതിഷേധം. രാജ്യമെമ്പാടും ദളിതര്ക്കും ന്യൂനപക്ഷങ്ങള്ക്കും എതിരായി ആക്രമങ്ങള് വര്ധിക്കുകയാണ്. ഗോസംരക്ഷണത്തിന്റെ പേരിലും രാജ്യത്ത് ആക്രമങ്ങള് വര്ധിക്കുകയാണ്. ഇത്തരം കാര്യങ്ങളില് കേന്ദ്ര സര്ക്കാര് യാതൊരു പ്രതികരണവും നടത്തുന്നില്ലെന്നും മായാവതി ആരോപിച്ചിരുന്നു.
ഇക്കാര്യങ്ങള് സംസാരിക്കാന് തന്നെ സര്ക്കാര് അനുവദിച്ചില്ലെങ്കില് അംഗത്വം രാജിവയ്ക്കുന്നു എന്നുപറഞ്ഞാണ് മായാവതി സഭയില്നിന്നു പുറത്തിറങ്ങിയത്. അതിനിടെ, സഭയെ അവഹേളിച്ചതിന് മായാവതി മാപ്പ് പറയണമെന്ന് കേന്ദ്രമന്ത്രി മുഖ്താര് അബ്ബാസ് നഖ്!വി ആവശ്യപ്പെട്ടു. മായാവതി ഉന്നയിച്ച വിഷയങ്ങള് ഗൗരവമുള്ളതാണെന്നും ദളിതരും ന്യൂനപക്ഷവും അപകടത്തിലാണെന്നും സിപിഎം ജനറല് സെക്രട്ടറി സീതാറം യച്ചൂരി അഭിപ്രായപ്പെട്ടു.
https://www.facebook.com/Malayalivartha
