ചൈനയെ പ്രതിരോധിക്കാന് ഇന്ത്യ സജ്ജമാണെന്ന് വിദേശകാര്യമന്ത്രി സുഷമ സ്വരാജ്
ഡോക്ലാമിലെ നിലവിലുള്ള സ്ഥിതിയ്ക്ക് മാറ്റംവരുത്താന് ചെനയുടെ ഭാഗത്തുനിന്ന് ശ്രമമുണ്ടായാല് പ്രതിരോധിക്കാന് ഇന്ത്യ സര്വസജ്ജമാണെന്ന് വിദേശകാര്യമന്ത്രി സുഷമ സ്വരാജ്
രാജ്യസഭയിലാണ് അവര് ഇക്കാര്യം വ്യക്തമാക്കിയത്. അടുത്തിടെയായി ഡോക്ലാമിന് കൂടുതല് അടുത്തെത്താന് ചൈന ശ്രമിക്കുന്നുണ്ട്. റോഡുകള് നന്നാക്കുകയും റീ ടാര്ചെയ്യുകയും ചെയ്യുന്നതിന്റെ മറവിലാണ് ചൈന ഡോക്ലാമിന് അടുത്തെത്താന് ശ്രമം നടത്തുന്നത്.
എന്നാല് ബുള്ഡോസറുകളും നിര്മ്മാണ ഉപകരണങ്ങളുമായി ചൈനീസ് സൈന്യം ഡോക്ലാമിലെത്തിയതാണ് നിലവിലെ പ്രശ്നങ്ങള്ക്ക് കാരണമെന്ന് കേന്ദ്രമന്ത്രി വിശദീകരിച്ചു. രാജ്യസുരക്ഷയ്ക്ക് ഭീഷണി ഉയര്ത്തുന്ന തരത്തിലായിരുന്നു ചൈനയുടെ നീക്കമെന്നും മന്ത്രി പറഞ്ഞു. ചൈന സൈന്യത്തെ പിന്വലിച്ചാല് മാത്രമെ മേഖലയില് നിന്ന് ഇന്ത്യന് സൈന്യം പിന്മാറൂ. ഇന്ത്യയുടെ ഭാഗത്താണ് ശരിയെന്നും കേന്ദ്രമന്ത്രി വ്യക്തമാക്കി.
ഭൂട്ടാനിലെ 269 ചതുരശ്ര കിലോമീറ്റര് പീഠഭൂമിയില് ചൈന പണിയുന്ന റോഡാണ് ഇന്ത്യയും ചൈനയും തമ്മില് ഉടലെടുത്തിരിക്കുന്ന സംഘര്ഷത്തിന് ഹേതു. ഇന്ത്യ, ചൈന, ഭൂട്ടാന് എന്നീ രാജ്യങ്ങള്ക്കിടയ്ക്ക് കിടക്കുന്ന ഭൂപ്രദേശമാണ് ഡോക്ലാം.
https://www.facebook.com/Malayalivartha
