മോദിയുടെ സത്യപ്രതിജ്ഞാ ചടങ്ങില് നവാസ് ഷെരീഫ് പങ്കെടുത്തേക്കും
ഇന്ത്യയുടെ നിയുക്ത പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞ ചടങ്ങില് പാക്കിസ്ഥാന് പ്രധാനമന്ത്രി നവാസ് ഷരീഫ് പങ്കെടുത്തേക്കുമെന്ന് റിപ്പോര്ട്ട്. ഷരീഫ് പങ്കെടുക്കുന്നില് എതിര്പ്പില്ലന്നു പാക്കിസ്ഥാന് മുസ്ലീം ലീഗ് വ്യക്തമാക്കിയിരുന്നു. ഇന്ത്യയുമായി സഹകരിച്ചു പ്രവര്ത്തിക്കുന്നതില് സന്തോഷമാണുള്ളതെന്നും പാക് മുസ്ലീം ലീഗ് നേതാക്കള് വ്യക്തമാക്കി. ശ്രീലങ്കന് പ്രധാനമന്ത്രി മഹേന്ദ്ര രാജ്പക്സെ സത്യപ്രതിജ്ഞ ചടങ്ങില് പങ്കെടുക്കുമെന്ന് അറിയിച്ചിട്ടുണ്ട്. സാര്ക്ക് രാജ്യത്തലവന്മാരെയെല്ലാം സത്യപ്രതിജ്ഞ ചടങ്ങിലേക്ക് മോദി ക്ഷണിച്ചിരുന്നു. അതേസമയം തമിഴ്നാട് മുഖ്യമന്ത്രി ജെ. ജയലളിതയും പശ്ചിമബംഗാള് മുഖ്യമന്ത്രി മമത ബാനര്ജിയും ചടങ്ങുകളില് നിന്നും വിട്ടു നിന്നേക്കുമെന്നാണ് സൂചന. എന്ഡിഎയുമായ സഹകരിച്ചു പ്രവര്ത്തിക്കുന്നതില് ധാരണയില് എത്താത്തിനെ തുടര്ന്നാണ് മമത ബാനര്ജി വിട്ടു നില്ക്കുന്നത്. അതിനിടെ മുതിര്ന്ന തൃണമൂല് കോണ്ഗ്രസ് നേതാക്കള് എന്ഡിഎ നേതൃത്വവുമായി ആശയവിനമയം നടത്തുന്നുണ്ട്. എന്നാല് ചടങ്ങില് ശ്രീലങ്കന് പ്രസിഡന്റ് മഹീന്ദ്ര രാജ്പക്സെ പങ്കെടുക്കുന്നതിനെതിരെ തമിഴ്നാട്ടില് പ്രതിഷേധം. രാജ്പക്സെ പങ്കെടുത്താല് ചടങ്ങ് ബഹിഷ്കരിക്കുമെന്ന് ജയലളിത മുന്നറിയിപ്പ് നല്കി. മറ്റു നേതാക്കളും പ്രതിഷേധവുമായി രംഗത്തെത്തിയിട്ടുണ്ട്.
എം എഡിഎംകെ നേതാവ് വൈകോയാണ് ആദ്യം പ്രതിഷേധവുമായി എത്തിയത്. ശ്രീലങ്കയിലെ തമിഴ് വംശജര്ക്കെതിരെ അതിക്രമങ്ങള് നടക്കുന്ന സാഹചര്യത്തില് ശ്രീലങ്കന് പ്രസിഡന്റിനെ ഇന്ത്യന് പ്രധാനമന്ത്രിയുടെ സത്യപ്രതിജ്ഞാ ചടങ്ങില് പങ്കെടുപ്പിക്കുന്നത് ന്യായീകരിക്കാനാകില്ലെന്ന് വൈകോ പറഞ്ഞു.
മെയ് 26നു രാഷ്ടപതി ഭവനില് ഒരുക്കിയിരിക്കുന്ന പ്രത്യേക വേദിയിലാണ് നരേന്ദ്ര മോദിയുടെ സത്യപ്രതിജ്ഞ ചടങ്ങുകള് ക്രമീകരിച്ചിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
