യുവാവ് അമ്മയെ കൊന്ന് അവരുടെ ഹൃദയം കുരുമുളകും കൂട്ടി കഴിച്ചു. മഹാരാഷ്ട്രയിലെ പൂനയിലായിരുന്നു ഈ അതിദാരുണമായ സംഭവം അരങ്ങേറിയത്. തരരാനിചൗക്കിലെ മഹാവാല വസത് സ്വദേശി യെലാവ (65) ആണ് കൊല്ലപ്പെട്ടത്. തിങ്കളാഴ്ച വൈകുന്നേരം കോലാപുരില്‍ 27 കാരനായ സുനില്‍ കുച്ചകുര്‍ണിയാണ് അമ്മയെ കൊലപ്പെടുത്തിയത്.

അമ്മയുടെ ശരീരഭാഗങ്ങള്‍ ഭക്ഷിച്ച ശേഷം ഇയാള്‍ വീട്ടില്‍നിന്നും കൈയില്‍ രക്തക്കറയുമായി നരഭോജികളെപ്പോലെ പുറത്തിറങ്ങിപ്പോയതായും പോലീസ് പറയുന്നു. മദ്യലഹരിയിലാണ് സുനില്‍ ക്രൂരകൃത്യം ചെയ്തത്. നിര്‍മാണ തൊഴിലാളിയാണ് സുനിലെന്ന് പോലീസ് പറയുന്നു.

വിവാഹിതനും മൂന്ന് കുട്ടികളുടെ പിതാവുമാണ് ഇയാള്‍. സുനിലിന്റെ ഭാര്യ അവരുടെ അമ്മയുടെ മുംബൈയിലെ വീട്ടിലാണ് താമസം. കുട്ടികളും ഇവര്‍ക്കൊപ്പമാണ്. സംഭവ ദിവസം അമിതമായി മദ്യം കഴിച്ചെത്തിയ സുനില്‍ അയല്‍പ്പക്കത്തെ വീട്ടില്‍ ഭക്ഷണം തേടിച്ചെന്നു. എന്നാല്‍ ഇവിടെനിന്നും കഴിക്കാന്‍ കിട്ടിയില്ല.

ഇതോടെ സ്വന്തം വീട്ടിലേക്ക് വരികയായിരുന്നു. എന്നാല്‍ വീട്ടിലും കഴിക്കാനൊന്നും ലഭിക്കാതെ വന്നതോടെ അമ്മയുമായി വഴക്കായി. സംഘര്‍ഷത്തിനിടെ ഇയാള്‍ യെലാവയെ അടിച്ചുവീഴ്ത്തി. മരണം ഉറപ്പാക്കിയ ശേഷം ശരീരം മുറിച്ച് ഹൃദയം പിഴുതെടുത്ത് പാത്രത്തിലാക്കി കുരുമുളകും പുരട്ടികഴിച്ചതായി പോലീസ് പറയുന്നു. സംഭവത്തില്‍ പോലീസ് സുനിലിനെ അറസ്റ്റ് ചെയ്തു.

പാവം ആ അമ്മ അറിഞ്ഞുകാണില്ല മകന്‍ ഇത്രയും ക്രൂരത കാണിക്കുമെന്ന്. മകന്റെ ഈ ക്രൂരതയില്‍ അ അമ്മ എത്രമാത്രം വേദന അനുഭവിച്ചു കാണും. നമുക്ക് ഊഹിക്കാവുന്നതേയുള്ളൂ. ഓരോ അച്ഛനമ്മമാരും മക്കളെ നെഞ്ചോടു ചേര്‍ത്ത് സ്‌നേഹിച്ച് വളര്‍ത്തി വലുതാക്കികഴിയുമ്പോള്‍ അവരുടെ സ്വഭാവങ്ങളൊക്കെ മാറും. പിന്നെ അച്ഛനെന്നോ അമ്മയെന്നോ അവര്‍ക്കില്ല. എന്തു ചെയ്യാനും അവര്‍ക്ക് യാതൊരു മടിയും കാണില്ല. ലക്ഷ്യം നിറവേറാന്‍ അവര്‍ എന്തും ചെയ്യും. ഇവിടെ അമ്മയോട് ഇത്രയും ക്രൂരതകാണിച്ച ഇയാള്‍ എത്ര ക്രൂരനാണ്. നെഞ്ചോടു ചേര്‍ത്തു പിടിച്ച അമ്മയുടെ ഹൃദയം അവന് പറിച്ചെടുക്കാന്‍ എങ്ങനെ കഴിഞ്ഞു. എത്രമാത്രം വേദന ആ അമ്മ അനുഭവിച്ചു കാണും. എപ്പോഴും ഓരോരുത്തരും ചിന്തിക്കേണ്ട ഒരു കാര്യമുണ്ട് എത്ര അബോധാവസ്ഥയിലാണെങ്കില്‍ പോലും അവനവന്‍ അവനവനെ തിരിച്ചറിയണം. ജന്മം നല്‍കിയ അമ്മയെയും അച്ഛനെയും ഒരിക്കലും വേദനിപ്പിക്കരുത്.