സ്കൂ​ളു​ക​ളി​ൽ വി​ദ്യാ​ർ​ഥി​ക​ൾ​ക്കെ​തി​രാ​യ ആ​ക്ര​ണം തു​ട​ർ​ക്ക​ഥ​യാ​കു​ന്നു. രാ​ജ്സ​ഥാ​നി​ലെ സി​ക​ർ ജി​ല്ല​യി​ൽ നി​ന്നാ​ണ് ഏ​റ്റ​വു​മൊ​ടു​വി​ൽ വ​രു​ന്ന റി​പ്പോ​ർ​ട്ടു​ക​ൾ. സ്കൂ​ൾ ഡ​യ​റ​ക്ട​റും അ​ധ്യാ​പ​ക​നും ചേ​ർ​ന്ന് വി​ദ്യാ​ർ​ഥി​നി​യാ​യ പ​തി​നെ​ട്ടു​കാ​രി​യെ പീ​ഡി​പ്പി​ച്ചു ഗ​ർ​ഭി​ണി​യാ​ക്കി​യ​താ​ണ് ഈ ​ശ്രേ​ണി​യി​ലെ ഏ​റ്റ​വും ഒ​ടു​വി​ൽ ല​ഭി​ക്കു​ന്ന വാ​ർ​ത്ത. ഒ​ഴി​വു​ള്ള ദി​വ​സ​ങ്ങ​ളി​ൽ സ്പെ​ഷ​ൽ ക്ലാ​സു​ക​ളു​ണ്ടെ​ന്നു പ​റ​ഞ്ഞ് പെ​ണ്‍​കു​ട്ടി​യെ സ്കൂ​ളി​ലേ​ക്കു വി​ളി​ച്ചു​വ​രു​ത്തി​യ​ശേ​ഷ​മാ​യി​രു​ന്നു പീ​ഡ​ന​മെ​ന്നു പെ​ണ്‍​കു​ട്ടി​യു​ടെ മാ​താ​പി​താ​ക്ക​ൾ പോ​ലീ​സി​ൽ ന​ൽ​കി​യ പ​രാ​തി​യി​ൽ ആ​രോ​പി​ക്കു​ന്നു.

പീ​ഡ​ന​ത്തെ തു​ട​ർ​ന്ന് ഗ​ർ​ഭി​ണി​യാ​യ പെ​ണ്‍​കു​ട്ടി​യെ ഡ​യ​റ​ക്ട​റും അ​ധ്യാ​പ​ക​നും ചേ​ർ​ന്ന് ഷാ​ഹ്പു​ര​യി​ലെ ക്ലി​നി​ക്കി​ലെ​ത്തി​ച്ച് ഗ​ർ​ഭഛി​ദ്ര​ത്തി​നും വി​ധേ​യ​യാ​ക്കി. ഗ​ർ​ഭഛി​ദ്ര​ത്തി​നു​ശേ​ഷം പെ​ണ്‍​കു​ട്ടി​യു​ടെ ആ​രോ​ഗ്യം വ​ഷ​ളാ​യ​തി​നെ തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ലാ​ണ് പീ​ഡ​ന​വി​വ​രം പു​റ​ത്ത​റി​യു​ന്ന​ത്.

ജ​യ്പൂ​രി​ലെ ആ​ശു​പ​ത്രി​യി​ൽ പെ​ണ്‍​കു​ട്ടി ഇ​പ്പോ​ൾ ചി​കി​ത്സ​യി​ലാ​ണ്. പ​രാ​തി​യു​ടെ അ​ടി​സ്ഥാ​ന​ത്തി​ൽ സ്കൂ​ൾ ഡ​യ​റ​ക്ട​ർ ഡോ.​ര​ജ​നി​ഷ് ശ​ർ​മ, അ​ധ്യാ​പ​ക​നാ​യ ജ​ഗ​ത് സിം​ഗ് ഗു​ർ​ജ​ർ എ​ന്നി​വ​ർ​ക്കെ​തി​രേ കൂ​ട്ട​ബ​ലാ​ത്സം​ഗ​ത്തി​നു പോ​ലീ​സ് കേ​സ് ര​ജി​സ്റ്റ​ർ ചെ​യ്തു. ഡ​യ​റ​ക്ട​ർ​ക്കും ഭാ​ര്യ​ക്കു​മെ​തി​രേ പെ​ണ്‍​കു​ട്ടി​യു​ടെ അ​നു​മ​തി കൂ​ടാ​തെ ഗ​ർ​ഭഛി​ദ്രം ന​ട​ത്തി​യ​തി​നും കേ​സെ​ടു​ത്തു.