ദാരിദ്ര രേഖയ്ക്ക് താഴെയുള്ള കുടുംബത്തിലെ സ്ത്രീകള്‍ക്ക് സാരി വിതരണം ചെയ്യുന്നതിനിടെ കൂട്ടത്തല്ല്. എതിരാളികളുടെ സാരി വലിച്ചു കീറിയാണ് തല്ലുണ്ടായത്. സാരിയുടെ എണ്ണം കുറവായതിനാലാണ് തങ്ങള്‍ക്ക് ലഭിക്കുമൊ എന്ന തര്‍ക്കമാണ് ഇത്തരത്തില്‍ ഒരു കൂട്ടത്തല്ലില്‍ കലാശിച്ചത് എന്ന് കരുതുന്നു. തെലുങ്കാന സൈദാബാദ് പിഡിഎസ് സെന്ററിന്റെ മുന്നിലായിരുന്നു പെണ്‍കൂട്ടത്തല്ലുണ്ടായത്.

എന്നാല്‍ യഥാര്‍ത്ഥ കാരണം വ്യക്തമല്ല. സോഷ്യല്‍ മീഡിയ പ്രചാരകനായ ടി.എസ്. സുധീറാണ് ദൃശ്യങ്ങള്‍ ട്വിറ്ററിലൂടെ പുറത്തുവിട്ടത്. സംസ്ഥാനത്തെ കൈത്തറിയുടെ പ്രചരണാര്‍ദ്ധമാണ് ഇത്തരത്തില്‍ സാരി വിതരണം നടന്നത്. ഇതിനായി മാത്രം 200 കോടിയാണ് സംസ്ഥാന സര്‍ക്കാര്‍ മാറ്റിവച്ചിരിക്കുന്നത്.

സാരി വിതരണത്തില്‍ സംസ്ഥാനത്ത് വ്യാപകമായ പ്രതിഷേധമാണ് ഉയര്‍ന്നിരുന്നത്. മോശം ഗുണനിലവാരമുള്ള തുണിയാണ് നല്‍കിയത് എന്ന് പറഞ്ഞാണ് സാരി കത്തിക്കല്‍ നടത്തിയത്. നൂറ് രൂപയുടെ നിലവാരം പോലുമില്ലാത്ത സാരിയാണ് ലഭിച്ചതെന്ന് റിപ്പോര്‍ട്ട്. സാരികള്‍ കത്തിക്കുക അടക്കമുള്ള പ്രതിഷേധ പരിപാടികള്‍ നടക്കുന്നത്.