റെയില്വേ ജീവനക്കാരുടെ പ്രതിസന്ധി വിരമിച്ചവര്ക്ക് പുനര്നിയമനം നല്കിയും വിരമിക്കാനിരിക്കുന്നവര്ക്ക് സര്വിസ് നീട്ടിനല്കിയും പരിഹാരത്തിനൊരുങ്ങുന്നു
ജീവനക്കാരുടെ കുറവില് പ്രവര്ത്തനം അവതാളത്തിലായതോടെ വിരമിച്ചവര്ക്ക് പുനര്നിയമനം നല്കിയും വിരമിക്കാനിരിക്കുന്നവര്ക്ക് സര്വിസ് നീട്ടിനല്കിയും പ്രതിസന്ധി പരിഹരിക്കാന് റെയില്വേ ബോര്ഡ് തീരുമാനം. നിയമനം കരാര് അടിസ്ഥാനത്തിലാകും. വിരമിക്കാനിരിക്കുന്നവര്ക്ക് 65 വയസ്സുവരെ പുനര്നിയമനം നല്കും.
വിരമിച്ചവരില് കടുത്ത ആരോഗ്യപ്രശ്നങ്ങളില്ലാത്തവര്ക്കാകും വീണ്ടും നിയമനം നല്കുക. ഇത് സംബന്ധിച്ച് ഡിവിഷനല് മാനേജര്മാര്ക്കാണ് നിര്ദേശം നല്കിയത്. ലോക്കോ പൈലറ്റുമാര്, ഗാര്ഡുമാര്, ക്രൂ കണ്ട്രോളര്മാര്, സിഗ്നല്, മെക്കാനിക്കല്, മെഡിക്കല്, ടെലികമ്യൂണിക്കേഷന്, എന്ജിനീയറിങ്,ഇലക്ട്രിക്കല് തുടങ്ങിയ വിഭാഗങ്ങളിലാകും വിരമിച്ചവരെ നിയമിക്കുക. ലോേക്കാ പൈലറ്റുമാര്ക്ക് വിരമിക്കല് പ്രായം നീട്ടാനും ആലോചനയുണ്ട്. ഇതിനുള്ള നടപടി അതത് സ്റ്റേഷനുകളില് തന്നെ നടത്തും. വിവിധ വകുപ്പിലായി 2.23 ലക്ഷം ജീവനക്കാരുടെ ഒഴിവുകളാണ് റെയില്വേയിലുള്ളത്.
തിരുവനന്തപുരം ഡിവഷനില് 740ഉം പാലക്കാട് ഡിവിഷനില് 150ഉം തസ്തികകള് ഒഴിഞ്ഞുകിടക്കുന്നുണ്ട്. ഇതില് 90ലധികം ഒഴിവുകള് ലോക്കോപൈലറ്റുമാരുടേതാണ്. ഗുഡ്സ്,പാസഞ്ചര്, മെയില് ലോക്കോപൈലറ്റുമാരുടെ ഒഴിവില് നിയമനം നടത്താത്തതിനാല് സര്വിസ് വൈകലും മുടക്കവും പതിവായിരിക്കുകയാണ്. പാസഞ്ചര് വണ്ടികള് പലതും റദ്ദാക്കുകയോ ഷെഡ്യൂള് പരിഷ്കരിക്കുകയോ ചെയ്യുന്നുണ്ട്. മെമുവടക്കം ഇപ്പോഴും റദ്ദാക്കല് തുടരുന്നു.
മെക്കാനിക്കല്, സിഗ്നല്, ഇലക്ട്രിക്കല് വിഭാഗത്തിലെ ഒഴിവുനികത്താത്തതിനാല് അറ്റകുറ്റപ്പണിയും കൃത്യമായി നടക്കുന്നില്ല. ട്രാക്ക് നവീകരണമടക്കം നിര്മാണം അനിശ്ചിതമായി നീളുകയാണ്. ജീവനക്കാരുടെ കുറവാണ് പ്രതിസന്ധി രൂക്ഷമാക്കിയതെന്ന കാര്യം റെയില്വേ വെളിപ്പെടുത്തിയിട്ടില്ല. പുതിയ നിയനം നടത്തുന്നതില് ഗുരുതരവീഴ്ചവരുത്തുകയാണെന്ന ആക്ഷേപമുണ്ട്.അടുത്തെങ്ങും പുതിയ നിയമനത്തിനുള്ള നടപടി ഉണ്ടാവില്ലെന്നും അധികൃതര് വ്യക്തമാക്കിയിട്ടുമുണ്ട്. തല്ക്കാലം വിരമിച്ചവരെയും വിരമിക്കാനിരിക്കുന്നവരെയും നിയോഗിക്കാനാണ് നിര്ദേശമെന്ന് യൂനിയന് നേതാക്കളും വ്യക്തമാക്കുന്നു. അതിനിടെ സ്റ്റേഷന് മാസ്റ്റര്മാരുടെയും ലോക്കോപൈലറ്റുമാരുടെയും ജോലി ഭാരം വര്ധിക്കുന്നുവെന്ന പരാതിയും ശക്തമാണ്. ലോക്കോപൈലറ്റുമാരുടെ വിശ്രമസമയം ആഴ്ചയില് 40 മണിക്കൂറാക്കണമെന്ന നിര്ദേശവും നടപ്പാക്കിയിട്ടില്ല. 16 മുതല് 20 മണിക്കൂര്വരെ തുടര്ച്ചയായി ജോലി ചെയ്യുന്നവരുമുണ്ട്.
https://www.facebook.com/Malayalivartha
