എംഎൽഎമാരുടെ അയോഗ്യത പ്രശ്നത്തിൽ തെരഞ്ഞെടുപ്പ് കമ്മീഷൻ ശുപാര്ശക്കെതിരെ സുപ്രീംകോടതിയെ സമീപിക്കാനൊരുങ്ങി ആം ആദ്മി പാര്ട്ടി
പാര്ലമെന്ററി സെക്രട്ടറി പദവി വഹിച്ച 20 എംഎൽഎമാരെ അയോഗ്യരാക്കാനുള്ള തെരഞ്ഞെടുപ്പ് കമ്മീഷൻ ശുപാര്ശക്കെതിരെ സുപ്രീംകോടതിയെ സമീപിക്കുമെന്ന് ആം ആദ്മി പാര്ട്ടി. ഇതിനായി രാഷ്ട്രപതി രാംനാഥ് കോവിന്ദിന്റെ തീരുമാനത്തിന് വേണ്ടി കാത്തിരിക്കുകയാണ് പാര്ട്ടി. ശുപാര്ശ രാഷ്ട്രപതി കേന്ദ്ര ആഭ്യന്തരമന്ത്രാലയത്തിന് കൈമാറും. തീരുമാനം എതിരായാൽ ആറ് മാസത്തിനകം 20 മണ്ഡലങ്ങൾ ഉപതെരഞ്ഞടുപ്പിലേക്ക് നീങ്ങും. ഇക്കാര്യത്തില് ആംആദ്മി പാര്ട്ടിയെ സിപിഎം പിന്തുണച്ചിട്ടുണ്ട്.
എന്നാൽ വിഷയത്തിൽ തെരഞ്ഞെടുപ്പ് കമ്മീഷന്റെ പ്രതികരണം പുറത്തുവന്നിട്ടില്ല. അയോഗ്യത ശുപാര്ശ അടിയന്തരമായി സ്റ്റേ ചെയ്യാൻ ഡല്ഹി ഹൈക്കോടതിയും തയ്യാറായില്ല. ഈ സാഹചര്യത്തിലാണ് ആംആദ്മി പാര്ട്ടി സുപ്രീംകോടതിയെ സമീപിക്കാനൊരുങ്ങുന്നത്.
സത്യസന്ധമായി മുന്നോട്ടുപോകുമ്പോഴും തടസ്സങ്ങളുണ്ടാകും. അദൃശ്യ ശക്തിയും ദൈവാധീനവും സാഹായത്തിനുണ്ടാകും. സത്യം പുറത്തുവരുമെന്നതാണ് ചരിത്രസാക്ഷ്യമെന്നും ഡല്ഹി മുഖ്യമന്ത്രി അരവിന്ദ് കെജ്രിവാൾ ട്വീറ്റ് ചെയ്തു.
അതെ സമയം അയോഗ്യതാ ശുപാര്ശയിൽ ദു:ഖമുണ്ടെന്നും തന്റെ നിര്ദ്ദേശങ്ങളെല്ലാം അവഗണിച്ച് കെജ്രിവാൾ സ്വന്തം ഇഷ്ടപ്രകാരമാണ് എംഎൽഎമാര്ക്ക് ഇരട്ടപ്പദവി നൽകിയതെന്നും ഇടഞ്ഞ് നിൽക്കുന്ന ആംആദ്മി നേതാവ് കുമാര് വിശ്വാസ് പറഞ്ഞു.
https://www.facebook.com/Malayalivartha
