നിരോധിച്ച നോട്ടുകള്‍ എന്ന് എണ്ണീത്തീരുമെന്ന് പറയാനാകില്ലെന്ന് റിസര്‍വ് ബാങ്ക്. 59 യന്ത്രങ്ങള്‍ ഉപയോഗിച്ച് കണക്കുകള്‍ വ്യക്തമാക്കാന്‍ നോട്ടുകള്‍ എണ്ണുന്നുണ്ടെന്നാണ് റിസര്‍വ് ബാങ്കിന്റെ വിശിദീകരണം. എന്നാല്‍ ഇതെവിടാണ് നടക്കുന്നതെന്നോ, നിലവില്‍ എന്ത്ര രൂപയോളം തിട്ടപ്പെടുത്തിയെന്നോ റിസര്‍വ് ബാങ്ക് വെളിപ്പെടുത്തിന്നില്ല.

നോട്ട് അസാധുവാക്കല്‍ പ്രഖ്യാപനം 2016 നവംബറില്‍ പുറത്തുവന്നിട്ട് ഇപ്പോള്‍ 15 മാസം പിന്നിട്ടിരിക്കുന്നു. ഇതുവരെയും തിരികെയെത്തിയ നോട്ടുകള്‍ കൃത്യമായി എണ്ണി തിട്ടപ്പെട്ടുത്തിയിട്ടില്ലെന്ന് റിസര്‍വ് ബാങ്ക് പറയുന്നു. അസാധുവാക്കിയതിനെ തുടര്‍ന്ന് ബാങ്കുകളില്‍ നിക്ഷേപിക്കപ്പെട്ട നോട്ടുകളുടെ കൃത്യമായ മൂല്യം കണക്കാക്കുന്നതിനും വ്യാജനോട്ട് കണ്ടെത്തുന്നതിനുമാണ് ഇപ്പോഴും പരിശോധന തുടരുന്നത്.

വിവരാകാശ നിയമ പ്രകാരം വാര്‍ത്താ ഏജന്‍സിയായ പി.ടി.ഐയിലെ ഒരു മാധ്യമപ്രവര്‍ത്തകന്‍ നല്‍കിയ അപേക്ഷയിലാണ് ഈ മറുപടി ലഭിച്ചത്. റിസര്‍വ് ബാങ്കിന്റെ 2016-17 സാമ്ബത്തിക വര്‍ഷത്തിലെ റിപ്പോര്‍ട്ട് അനുസരിച്ച് 15.28 ലക്ഷം കോടി രൂപ ബാങ്കുകളില്‍ തിരികെയെത്തിയിരുന്നു.