മാസമുറ ഉണ്ടായിട്ടുപോലും എന്നെ അവര്‍ വെറുതെ വിട്ടില്ല... വെറുപ്പുളവാക്കുന്ന പരിശോധനയ്‌ക്കെതിരെ സ്‌പൈസ് ജെറ്റ് എയര്‍ഹോസ്റ്റസുമാരുടെ പ്രതിഷേധം
സുരക്ഷാ ജീവനക്കാര്‍ വസ്ത്രം അഴിച്ച് പരിശോധിച്ചതായി ആരോപിച്ച് സ്‌പൈസ് ജെറ്റ് എയര്‍ഹോസ്റ്റസുമാര്‍ പ്രതിഷേധം തുടരുന്നു. വിമാനത്തിനുള്ളില്‍ നിന്നും ഭക്ഷണവും പണവും മോഷ്ടിക്കുന്നു എന്ന സംശയത്തെ തുടര്‍ന്ന് എയര്‍ഹോസ്റ്റസുമാരെ തുണിയഴിച്ച് എയര്‍ലൈന്‍ സുരക്ഷാ ഉദ്യോഗസ്ഥര്‍ പരിശോധന നടത്തിയത്. സ്‌പൈസ്‌ജെറ്റ് വിമാനത്തിലെ എയര്‍ഹോസ്റ്റസുമാര്‍ ചെന്നൈ വിമാനത്താവളത്തില്‍ ശനിയാഴ്ച രാവിലെയാണ് പ്രതിഷേധം നടത്തിയത്.
വിമാനത്തില്‍ നിന്നും ഇറങ്ങുമ്‌ബോള്‍ കഴിഞ്ഞ രണ്ടു ദിവസം ഇവരുടെ വസ്ത്രമഴിച്ച് പരിശോധന നടത്തിയതായിട്ടാണ് ആരോപണം. ദേഹപരിശോധനയ്ക്ക് പുറമെ ബാഗില്‍ നിന്നും സാനിറ്ററി നാപ്കിനുകള്‍ പോലും സുരക്ഷാ ജിവനക്കാര്‍ എടുത്തുമാറ്റാന്‍ പറഞ്ഞതായി എയര്‍ഹോസ്റ്റസുമാര്‍ ആരോപിക്കുന്നു. സ്‌പൈസ് ജെറ്റ് മാനേജ്‌മെന്റ് സംഭവവുമായി ബന്ധപ്പെട്ട് നടപടി എടുക്കാന്‍ തയ്യാറായാല്‍ മാത്രമേ ജോലിക്ക് കയറാന്‍ സാധീക്കൂ എന്നും ജീവനക്കാര്‍ പറഞ്ഞിരുന്നു.ഇതേതുടര്‍ന്ന് വിമാനം ഒരു മണിക്കൂര്‍ വൈകിയാണ് ഓടിയത്.
പരിശോധനയ്ക്കിടയില്‍ തന്റെ ശരീരത്ത് മോശമായി സ്പര്‍ശിച്ചെന്നും താന്‍ നഗ്‌നയാക്കപ്പെട്ടത് പോലെയും ബലാത്സംഗത്തിന് സമാനമായ സ്പര്‍ശനം ഉണ്ടായതായും കടുത്ത അപമാനം തോന്നിയെന്നും ഒരു എയര്‍ഹോസ്റ്റസ് പറയുന്നതിന്റെ ദൃശ്യം വിമാനത്താവളത്തിലെ ക്യാമറയിലും പതിഞ്ഞു. സംശയത്തെ തുടര്‍ന്നാണ് പരിശോധന നടക്കുന്നതെന്നാണ് അധികൃതര്‍ പറയുന്നതെന്നാണ് ക്യാബിന്‍ ക്രൂവുകള്‍ വ്യക്തമാക്കുന്നത്.
ഇത് എയര്‍ലൈന്റെ നയമാണെങ്കില്‍ സാനിറ്ററി പാഡുകള്‍ കൂടി എടുത്തുമാറ്റി രഹസ്യഭാഗങ്ങളില്‍ തൊടുന്നത് എന്തിനാണെന്ന് സ്‌പൈസ് ജറ്റ് മാനേജ്‌മെന്റിന് ഒരു എയര്‍ഹോസ്റ്റസ് എഴുതി നല്‍കിയ പരാതിയില്‍ ചോദിച്ചിട്ടുള്ളതായിട്ടാണ് വിവരം. യാത്രക്കാരുടെ സുരക്ഷയ്ക്ക് വേണ്ടിയാണ് ഞങ്ങളെ ജോലിക്കെടുത്തിരിക്കുന്നത്. എന്നാല്‍ ഞങ്ങള്‍ക്കും സുരക്ഷയും ബഹുമാനവും വേണ്ടേ എന്നും ഇവര്‍ ചോദിച്ചു. ബലാത്സംഗത്തെക്കുറിച്ചും ലൈംഗികപീഡനങ്ങളെ കുറിച്ചും വാതോരാതെ സംസാരിക്കുന്ന നമ്മള്‍ ബലാത്സംഗത്തോളം പീഡനമാണ് പരിശോധനയുടെ പേരില്‍ നേരിടേണ്ടിവന്നത്.
'' മാസമുറ കാരണം ശാരീരികമായ അസ്വസ്ഥതയിലായിരുന്നു ഞാന്‍. എന്നിട്ടും എന്റെ അടിവസ്ത്രങ്ങള്‍ പോലും പരിശോധന നടത്തി. മാറിടത്ത് അമര്‍ത്തുകയും ചെയ്തു. എനിക്ക് എന്നോട് തന്നെ വെറുപ്പു തോന്നിപ്പോയി. താന്‍ ബേസ് ഒഫീഷ്യലുകളോട് തുറന്നടിച്ചു. കൊള്ളയടിച്ചവരെപോലെയാണ് തങ്ങളെ അപമാനിച്ചതെന്നും ഇ മെയില്‍ ചെയ്തുള്ള ഒരു പരാതിയില്‍ എയര്‍ഹോസ്റ്റസ് പറഞ്ഞു.
അതേസമയം പണമോ എയര്‍ലൈന്റെ സാധനങ്ങളോ എടുത്തു കൊണ്ടു പോകുന്നവര്‍ക്കെതിരെ കര്‍ശന നടപടിയെടുക്കുമെന്നായിരുന്നു എയര്‍ലൈന്റെ ഉന്നതര്‍ പറഞ്ഞത്. അതുകൊണ്ട് തന്നെ തങ്ങള്‍ പരിശോധന നടത്താന്‍ നിര്‍ബ്ബന്ധിതമാകുകയാണെന്നും സത്യസന്ധരായ ജീവനക്കാരെ കുറ്റപ്പെടുത്തുന്നില്ല. പക്ഷേ കള്ളന്മാരെ പിടിക്കുക തന്നെ ചെയ്യുമെന്നും അദ്ദേഹം പറഞ്ഞു.
https://www.facebook.com/Malayalivartha
