ദളിത് സംഘടനകളുടെ ദേശീയ ബന്ദിനിടെ വ്യാപക ആക്രമണം; നാല് പേര് കൊല്ലപ്പെട്ടു, പല സ്ഥലങ്ങളിലും ഗതാഗതം തടസപ്പെട്ടു; സ്ഥിതിഗതികള് നിയന്ത്രിക്കാന് സൈന്യത്തെ ഇറക്കി
വിവിധ ദളിത് സംഘടനകള് നടത്തുന്ന ദേശീയ ബന്ദിനിടെയുണ്ടായ ആക്രമണങ്ങളില് നാല് പേര് കൊല്ലപ്പെ്ട്ടു. മധ്യപ്രദേശിലെ മൊറീനയിലും ഗ്വാളിയറിലുമാണ് നാല് പേര് മരിച്ചത്. രണ്ടിടത്തും കര്ഫ്യൂ പ്രഖ്യാപിച്ചു. അക്രമികളില് ഒരാള് നടത്തിയ വെടിവയ്പിനിടെ ഒരാള്ക്ക് പരിക്കേറ്റു. ഗ്വാളിയറില് തോക്കുപയോഗിച്ച് അക്രമി വെടിവയ്ക്കുന്നതിന്റെ വിഡിയോ വാര്ത്താ ഏജന്സിയായ എഎന്ഐ പുറത്തുവിട്ടു.
പട്ടിക വിഭാഗങ്ങള്ക്കെതിരെയുള്ള അതിക്രമങ്ങള് തടയുന്നതിന് നിയമപ്രകാരം പെട്ടെന്ന് കേസെടുത്ത് അറസ്റ്റ് ചെയ്യുന്നത് തടഞ്ഞ സുപ്രീംകോടതി വിധിക്കെതിരെയാണ് ബന്ദ് നടത്തുന്നത്. കോടതിവിധിക്കെതിരെ കേന്ദ്രസര്ക്കാര് സുപ്രീംകോടതിയെ സമീപിക്കാനിരിക്കുകയാണ്.
മധ്യപ്രദേശില് ബന്ദ് അനുകൂലികള് ബസുകള്ക്ക് കല്ലെറിയുകയും വാഹനങ്ങള്ക്ക് തീ വയ്ക്കുകയും ചെയ്തു. പല സ്ഥലങ്ങളിലും ട്രെയിനുകള് തടഞ്ഞു. പഞ്ചാബ്, രാജസ്ഥാന്, ജാര്ഖണ്ഡ്, ഉത്തര്പ്രദേശ്, ബിഹാര് എന്നിവിടങ്ങളിലും വ്യാപക ആക്രമണങ്ങളുണ്ടായി. രാജസ്ഥാനിലെ ബാര്മേറില് കാറുകളും കെട്ടിടങ്ങള്ക്കും സമരാനുകൂലികള് തീയിട്ടു. ഒഡിഷയിലെ സാംബല്പുരില് സമരക്കാര് ട്രെയിന് സര്വീസ് തടഞ്ഞു. ഉത്തര്പ്രദേശിലെ അസംഗഢില് വിദേശികള്ക്ക് നേരെയും അതിക്രമമുണ്ടായി.
അക്രമങ്ങള് വ്യാപകമാകുമെന്ന ഇന്റലിജെന്സ് റിപ്പോര്ട്ടിനെ തുടര്ന്ന് പഞ്ചാബില് സര്ക്കാര് പൊതുഗതാഗതം നിര്ത്തിവെച്ചു. സ്കൂളുകളും കോളജുകളും അടച്ചിട്ടിരിക്കുകയാണ്. 10, 12 ക്ലാസുകളിലെ സിബിഎസ്ഇ പരീക്ഷകള് മാറ്റിവച്ചു. സര്ക്കാരിന്റെ അഭ്യര്ഥനയെ തുടര്ന്നാണു സിബിഎസ്ഇ പരീക്ഷ മാറ്റിയത്. രാജ്യത്തെ മറ്റു ഭാഗങ്ങളില് ഇന്നത്തെ പരീക്ഷകളില് മാറ്റമില്ലെന്നു സിബിഎസ്ഇ അറിയിച്ചു.കപുര്ത്തലയിലെ സുഭാന്പുറില് ബന്ദ് അനുകൂലികള് ജലന്തര്-അമൃത്സര് ദേശീയപാതയും ഹോഷിയാപുറില് പാണ്ഡ്യ ബൈപ്പാസും ഉപരോധിച്ചു. ട്രെയിന് തടഞ്ഞതിനെ തുടര്ന്ന് ബീഹാറിലെ പട്ന, ഗയ, ജെഹ്നാബാദ്, ഭഗല്പുര്, അറ, ഡര്ഭന്ഗ, അരാറിയ, നളന്ദ, ഹജിപുര് റെയില്വേ സ്റ്റേഷനുകളില് യാത്രക്കാര് മണിക്കൂറുകളോളം കുടുങ്ങി.
അക്രമം വ്യാപകമായ സംസ്ഥാനങ്ങളിലെ പലയിടങ്ങളിലും മൊബൈല് ഇന്റര്നെറ്റ് സേവനങ്ങളും എസ്എംഎസും ഇന്ന് അര്ദ്ധരാത്രി വരെ റദ്ദാക്കി. സംഘര്ഷസാധ്യത മുന്നില് കണ്ട് സൈന്യത്തെയും പൊലീസിനെയും വിന്യസിച്ചു. കോണ്ഗ്രസ്, ഭാരിപ് ബഹുജന് മഹാസംഘ്, ജനതാ ദള്, സിപിഐ, വിവിധ ട്രേഡ് യൂണിയനുകള്, രാഷ്ട്രീയ സേവാ ദള്, ജാതി ആന്ദ് സംഘര്ഷ് സമിതി, സംവിധാന് സംവര്ധന് സമിതി, നാഷനല് ദലിത് മൂവ്മെന്റ് ഫോര് ജസ്റ്റിസ് തുടങ്ങിയ സംഘടനകള് ബന്ദിന് പിന്തുണ അറിയിച്ചിട്ടുണ്ട്.
https://www.facebook.com/Malayalivartha
