വാഹനാപകടങ്ങള് മൂലം പൊതുജനങ്ങള്ക്കോ അവരുടെ മുതലിനോ വസ്തുവകകള്ക്കോ ഉണ്ടായേക്കാവുന്ന നഷ്ടങ്ങള് നികത്താനായി വാഹനം വാങ്ങുമ്പോള് മൂന്നോ അഞ്ചോ വര്ഷത്തെ ഇന്ഷ്വറന്സ് നിര്ബന്ധമായും നല്കണമെന്ന് ശുപാര്ശ
വാഹനാപകടങ്ങള് മൂലം പൊതുജനങ്ങള്ക്കോ അവരുടെ മുതലിനോ വസ്തുവകകള്ക്കോ ഉണ്ടായേക്കാവുന്ന നഷ്ടങ്ങള് നികത്തുന്നതിനുള്ള തേര്ഡ് പാര്ട്ടി ഇന്ഷ്വറന്സിന്റെ മോശം നടത്തിപ്പ് കാരണം വാഹനങ്ങള് വാങ്ങുമ്പോള് തന്നെ മൂന്നോ അഞ്ചോ വര്ഷത്തെ ഇന്ഷ്വറന്സ് നിര്ബന്ധമായും നല്കണമെന്ന് റോഡ് സുരക്ഷ സംബന്ധിച്ച് പഠിക്കാന് നിയോഗിച്ച സുപ്രീം കോടതി നിയോഗിച്ച സമിതി ശുപാര്ശ ചെയ്തു.
കാറുകള്ക്ക് മൂന്ന് വര്ഷത്തേയും ഇരുചക്ര വാഹനങ്ങള്ക്ക് അഞ്ച് വര്ഷത്തേയും ഇന്ഷ്വറന്സ് പോളിസികള് വാഹനങ്ങള് വാങ്ങുമ്പോഴോ രജിസ്ട്രേഷന് സമയത്തോ നല്കണമെന്നാണ് സമിതിയുടെ ശുപാര്ശ. രജിസ്റ്റര് ചെയ്തിട്ടുള്ള 18 കോടി വാഹനങ്ങളില് ഏഴ് കോടി വാഹനങ്ങള്ക്ക് മാത്രമാണ് ഇന്ഷ്വറന്സ് സുരക്ഷ ഉള്ളതെന്നാണ് ഇന്ഷ്വറന്സ് ഇന്ഫര്മേഷന് ബ്യൂറോയുടെ കണക്ക്.
സര്ക്കാരിന്റെ കണക്ക് അനുസരിച്ച് നിരത്തുകളില് ഓടുന്ന 50 ശതമാനം വാഹനങ്ങള്ക്കും ഇന്ഷ്വറന്സില്ല. ഇവയിലാകട്ടെ ഭൂരിഭാഗവും ഇരുചക്ര വാഹനങ്ങളാണ്. ഇന്ഷ്വറന്സ് ഇല്ലാതെ വാഹനം നിരത്തിലിറക്കി പിടിക്കപ്പെട്ടാല് 1000 രൂപ പിഴയും മൂന്ന് മാസം തടവും ശിക്ഷ കിട്ടാവുന്നതാണ്. ഇത്തരത്തിലുള്ള വാഹനങ്ങള് അപകടത്തില്പെട്ടാല് അപകടത്തില്പെടുന്നയാള്ക്ക് മതിയായ നഷ്ടപരിഹാരം ലഭിക്കാനുള്ള സാദ്ധ്യതയും കുറവാണ്.
സമഗ്രമായ ഇന്ഷ്വറന്സ് കവറേജിനായി ഇന്ഷ്വറന്സ് കമ്പനികള് ഈടാക്കുന്ന അതേ തുക തന്നെയാണ് അഞ്ച് വര്ഷത്തെ തേര്ഡ് പാര്ട്ടി ഇന്ഷ്വറന്സിനായി ഇരുചക്രവാഹന ഉടമകള് നല്കേണ്ടി വരിക. അതായത്, ഒരു വര്ഷം 720 രൂപ പ്രീമിയം അടയ്ക്കുന്ന ഇരുചക്ര വാഹന ഉടമകള് അഞ്ച് വര്ഷത്തേക്ക് 3600 രൂപയാണ് പ്രീമിയം ഇനത്തില് അടയ്ക്കേണ്ടി വരിക. ഇതാകട്ടെ ഒരു വര്ഷത്തെ സമഗ്ര ഇന്ഷ്വറന്സ് പോളിസിയെക്കാള് അല്പം മാത്രമാണ് കൂടുതല്.
അതേസമയം, ഇതിനോട് ഇന്ഷ്വറന്സ് കമ്പനികള്ക്ക് എതിര്പ്പാണ്. നിലവില് രജിസ്ട്രേഷന് സമയത്ത് തന്നെ വാഹന കമ്പനികള് ഇന്ഷ്വറന്സ് നല്കുന്നുണ്ട്. നിലവില് സ്വകാര്യ വാഹനങ്ങളുടെ രജിസ്ട്രേഷന് 15 വര്ഷത്തിലൊരിക്കലാണ് പുതുക്കുന്നത്. ഈ രീതി മാറ്റി വര്ഷം തോറും രജിസ്ട്രേഷന് പുതുക്കാനുള്ള നിയമം എന്തുകൊണ്ട് സര്ക്കാരിന് കൊണ്ടുവന്നൂടാ എന്നാണ് ഇന്ഷ്വറന്സ് കന്പനികള് ചോദിക്കുന്നത്.
മാത്രമല്ല, കന്പനികള് ഇരുചക്ര വാഹനങ്ങള്ക്ക് മൂന്ന് വര്ഷത്തെ ഇന്ഷ്വറന്സ് നല്കാമെന്ന് ചില ഇന്ഷ്വറന്സ് കന്പനികള് വാഗ്ദാനം ചെയ്തെങ്കിലും അതിന് ആവശ്യക്കാരുണ്ടായില്ലെന്ന് ഈ രംഗത്തുള്ളവര് പറയുന്നു.
https://www.facebook.com/Malayalivartha
