തമിഴ്നാട്ടില് ഇന്ന് ബന്ദ്, കാവേരി മാനേജ്മെന്റ് ബോര്ഡും കാവേരി വാട്ടര് റഗുലേറ്ററി കമ്മിറ്റിയും രൂപീകരിക്കാത്ത നടപടിയില് പ്രതിഷേധിച്ചാണ് ബന്ദ്
കാവേരി മാനേജ്മെന്റ് ബോര്ഡും (സിഎംബി) കാവേരി വാട്ടര് റഗുലേറ്ററി കമ്മിറ്റിയും രൂപീകരിക്കാത്ത നടപടിയില് പ്രതിഷേധിച്ച് തമിഴ്നാട്ടില് പ്രതിപക്ഷ പാര്ട്ടികള് ആഹ്വാനം ചെയ്ത ബന്ദ് ആരംഭിച്ചു. ഡിഎംകെ, കോണ്ഗ്രസ്, എംഡിഎംകെ, സിപിഎം തുടങ്ങി എട്ട് പ്രതിപക്ഷ പാര്ട്ടികളും വ്യാപാരികളും നിരവധി കര്ഷക സംഘടനകളുമാണ് ബന്ദിന് ആഹ്വാനം ചെയ്തിരിക്കുന്നത്.
കടുത്ത പ്രതിഷേധം നടത്തി പ്രശ്നത്തില് കേന്ദ്ര, സംസ്ഥാന സര്ക്കാരുകളെ പ്രതിരോധത്തിലാക്കുകയാണ് പ്രതിപക്ഷം ലക്ഷ്യമിടുന്നത്. റോഡ്, റെയില് ഗതാഗതം തടസപ്പെടും. ബസ് സര്വീസ് നടത്തില്ലെന്ന് കേരള, കര്ണാടക ട്രാന്സ്പോര്ട്ട് അധികൃതര് അറിയിച്ചിട്ടുണ്ട്. തമിഴ്നാട്ടിലേക്ക് രാത്രി സര്വീസുകള് നടത്തുന്ന ബസുകള് ഇരു സംസ്ഥാനങ്ങളും പിന്വലിച്ചിട്ടുണ്ട്.
അതേസമയം, കര്ണാടക അതിര്ത്തിയില് അക്രമസംഭവങ്ങള് ഉണ്ടാകാതിരിക്കാന് പോലീസ് സുരക്ഷ ശക്തമാക്കിയിട്ടുണ്ട്. കാരണം കാവേരി മാനേജ്മെന്റ് ബോര്ഡ് രൂപീകരണം ആവശ്യപ്പെടുന്ന തമിഴ്നാട്ടിലെ രാഷ്ട്രീയ കക്ഷികള്ക്കെതിരെ ഇന്ന് കന്നഡ സംഘടനകളും പ്രതിഷേധിക്കുകയാണ്.
https://www.facebook.com/Malayalivartha
